افغانستان بازارلریده مبارک روزه آیی ییتیب کیلیشی بیلن ییگولیک ماده بهاسی کوتریلگن. پایتخت یشاوچیلریدن بیرقطاری‌نینگ ایتیشیچه، حکومت‌نینگ دقت سیزلیگی باعث، مملکت بازارلریده ییگولیک ماده بهاسی کوپه‌یگن و بها کمه‌ییشی خصوصیده، حکومت تامانیدن هیچ بیر عملی لایحه قولگه آلینمه‌گن.
اولرنینگ ایتیشیچه، کونده‌لیک قولگه کیریتگن درامدلری بیلن ییگولیک ماده ساتیب آله آلمه‌یدیلر.
اوشبو یشاوچیلر، حکومت‌دن ییگولیک ماده بهاسی کوتریلیشی‌گه توسیق بولیب و مملکت بازارلریده سودا و ساتیق‌نی جدی شکلده نظارت قیلیشی‌نی سوره‌یدی.
بیراق، صنعت و سوداگرلیک وزیرلیگی‌نینگ سوزلاوچیسی مسافر قوقندی‌نینگ ایتیشیچه، مملکت نافذه قانونی اساسیده، بازارلرده ییگولیک ماده بهاسی جدی شکلده نظارت قیلینه‌دی. اونینگ ایتیشیچه، ساتووچی هر بیر دلیل بیلن بازار نرخی‌نی بوزگن تقدیرده قانون‌گه دوچ کیله‌دی.
شونینگ‌دیک، صنعت و سوداگرلیک اتاقلری سوزلاوچیسی صیام‌الدین پسرلی، مملکت بازارلریده ییگولیک ماده بهاسی کوتریلگنینی خواطرلی دیب ایتیشیچه، ییگولیک ماده بهاسینی کمه‌یتیریش اوچون خصوصی بولیم بیلن صحبت قیلینیشی کیره‌ک.
عین حالده، سنامجلسی‌نینگ بوگونکی عمومی ییغینیده آلینگن قرار اساسیده، روزه آیی‌ده ییگولیک ماده بهاسینی کمه‌یتیریش اوچون مملکت سوداگرلری بیلن صحبت قیلینیشی ایتیلگن.
بیراق، تحلیلچی‌لردن بیرقطاری‌نینگ ایتیشیچه، مملکتده روزه آیی جریانی‌ده ییگولیک ماده بهاسی کوتریلیشی بیر مدنیت‌گه اوزگرگن. عین حالده، باشقه اسلامی مملکت‌لرنینگ بازارلریده ییگولیک ماده سودا و ساتیغی جدی شکلده نظارت قیلینه‌دی و شونینگ‌دیک، روزه آیی‌ده دولت بازارلرگه ییگولیک ماده وارد قیلیب و ییگولیک ماده بهاسینی ایلگریدن کوره کمه‌یتیره‌دی.
