جاری ییل باشلنگنیدن سونگ، مملکت‌نینگ ایریم بولیم‌لری اینیقسه غور، تخار و بادغیس ولایت‌لریده قوروقچیلیک تهدیدلری توغریسیده خواطرلر بیان ایتیله‌دی؛ بیراق ایکینچیلیک، سوولنتیریش و چارواچیلیک وزیرلیگی و طبیعی حادثه‌لرگه قرشی کوره‌ش دولت وزیرلیگی مسؤوللری بو موضوع نی رد قیلیب ایتیشیچه، ایسلنگن بولیم‌لر ایچیم‌لی و ایکینچیلیک سوو کم‌لیگی‌گه روپه‌ره، قوروقچیلیک‌که ایمس.
سلام‌وطندارگه صحبت بیرگن ایکینچیلیک، سوولنتیریش و چاوراچیلیک وزیرلیگی سوزلاوچیسی اکبر رستمی، جاری ییل‌ده سوو کم‌لیگی‌نی تصدیق‌لب ایتیشیچه، اوشبو وزیرلیک نیازمندلرنی بوغدای بیلن تأمین قیلیش‌ده ییترلیچه تیارگرلیک آلگن و ایچیم‌لی سوو تأمین‌لش‌ده باشقه دولتی اداره‌لر ایش قیله‌دیلر.
ایکینچیلیک وزیرلیگی سوزلاوچیسی‌نینگ ایتیشیچه، شاشیلینچ حالت‌لر اوچون نیمروز، بادغیس، هلمند، غزنی، لغمان انبارلری و هرات، قندهار، ننگرهار و کابل سیلولریده 73 مینگ متریک تُن دن آرتیق بوغدای سقلنگن.
بوندن باشقه، جناری رستمی گه کوره، بو ییل ایکینچیلیک وزیرلیگی‌نینگ رواجلنتیریش بودجه‌سیدن 30% کمیده 3 میلیارد افغانی مملکت بویلب سوولنتیریش پروژه‌لر تطبیق ایتیلیش بولیمی‌ده صرفلنه‌دی.
باشقه تاماندن، طبیعی حادثه‌لرگه قرشی کوره‌ش ایشلری بوییچه دولت وزیرلیگی اورین باسری محمداسلم سیاس، نیازمندلرگه یاردم بیریش خصوصیده، مذکور وزیرلیک‌نینگ آلگن تیارگرلیک‌لریدن سوز یوریتیشی یانیده، سوو کم‌لیگی‌دن چیقه‌دیگن خواطرلر تیکشیریلیشی اوچون کمیسیونلر ایجاد ایتیلیشی‌دن خبر بیره‌دی.
غور و بادغیس ولایت‌لریده ایکینچی‌لر و چاروادارلردن بیرقطاری، سبزوات و سوو کم‌لیگی باعث، چاروالرینی ارزان ساتگن‌لرینی ایته‌دیلر.
عین حالده، ایکینچیلیک وزیرلیگی سوزلاوچیسی‌نینگ ایتیشیچه، نیازمند ولایت‌لر اینیقسه غور و بادغیس چاروادارلریگه ترقه‌تیلیشی اوچون 2000 متریک تُن دن آرتیق اوت ساتیب آلینگن.
