ساغلیقنی سقلش وزیری فیروزالدین فیروز مملکت‌ده ییگولیک ماده‌لرینی کامل قیلیش و بوباره‌ده تبلیغ قیلیش نیتیده «افغانستان کیله‌جگی ییگولیک آذیقه‌سی دن بای بولیش» نامیده ییغین اوتکزیب ایتیشیچه، هلی هم ۵ یاشنی تولدیرمه گن باله‌لردن ۴۰ فایزی تویب آوقتلنمه گنلر. اولردن کوپیسینی بویی اوسمیرلیکدن قالگن و ۱۰ فایزی هم تویب آوقتلنمس‌لیککه جدی یولیققنلر. اونینگ ایتیشیچه، مرکزی و جنوبی آسیا اولکه‌لری تویب آوقتلنمس‌لیک تهدیدی‌گه روپه‌ره‌لر.
ساغلیقنی سقلش وزیری نینگ بیاناتیگه کوره، ۶ آیلیک‌دن ۵ یاشگه قدر باله‌لردن یریمیی «A» ویتامینی آزلیگی‌گه یولیقیب کیچه کورالمیدلر و باشقه ۸۱ فایزیگه هم «D» ویتامینی آزلیگی دلیل سویکلری سست بولیشگه سبب بوله‌دی.
جناب فیروزنینگ کوپه‌یتیریشیچه، ۵ یاشنی تولدیرمه‌گن باله‌لردن ۴۴ فایزی و باله‌لی عیاللر یخشی آوقتلنمه گنلیکلری سبب قان سیزلیککه یولیقیب جامعه ساغلیگی‌گه سلبیی تأثیر قالدیره‌دی.
عامه ساغلیقنی سقلش وزیری نینگ کوپه‌یتیریشیچه، قشاق‌لیککه قرشی کوره‌شیش، ییگولیک مصونتیگه قول تاپیش و یخشی تویب آوقتله‌نیش اولرنینگ ۲۰۳۰-ییلگه قدر یوکسک برنامه‌لریدن بولگن.
ترقه‌تیلگن گزارشلرگه کوره، هرییل افغانستانده ۵ یاشنی تولدیرمه‌گن ۱۰۰ مینگ باله عالمدن اوته‌دی. اوشبو ساندن ۴۸ مینگ باله تویب آوقتلنمه گن‌للیکدن جان بیره‌دیلر.
