شهر قوریش و ییر بوتونلیک وزیرلیگی مسؤوللری نینگ ایتیشیچه، افغانستانده‌گی تارتیشمه‌لردن کمیده 70% «ییر» اوستیگه بوله‌دی.
شهر قوریش و ییر بوتونلیک وزیرلیگی‌ده ییر تارتیشمه‌لرینی تیکشیریش ریاست باشلیغی صیاد احمدی نینگ ایتیشیچه، افغانستانده‌گی تارتیشمه‌لردن 70% «ییر» اوستیگه بوله‌دی و حاضرگه‌قدر 18 مینگ گه یقین ییر غصب قیلووچی تانیلگن.
اونینگ ایتیشیچه، ییر خصوصیده اوچ قسم تارتیشمه موجود دیر. ایکی یا-ده نیچه کیشی آره‌سیده بولگن تارتیشمه، کیشی و دولتی اداره آره‌سیده بولگن تارتیشمه و دولتی اداره‌لر آره‌سیده بولگن تارتیشمه‌لردن عبارت دیر.
جناب احمدی نینگ ایتیشیچه، ییر خصوصیده بولگن تارتیشمه‌لر معقول یول بیلن حل ایتیلمهگن صورتده، جماعه‌ده جنجل چیقاریش گه سبب بوله‌دی.
افغانستان بوییچه استراتیژیک تدقیقات انستیتیوتی تامانیدن « افغانستانده قدرت، نابرابرلیک و محلی تارتیشمه‌لر» آتی ده یولگه قوییلگن تدقیقات نتیجه‌سیگه کوره، ییر کوچلی غاصب‌لری دولت فاسد مقام‌لری دیر.
