.jpg)
افغانستان صنعت و سوداگرلیک اتاقی مسؤوللری‌نینگ ایتیشیچه، پاکستان‌نینگ بویروغی اساسیده، بوندن سونگ افغانستاندن مذکور مملکت گه باره‌دیگن لبنیات، میوه‌لر و سبزوات‌لرنی یشش محیط اداره‌سیدن حجتی و ساغلیک گواهی نامه‌سی بولیشی کیره‌ک. بوندن آلدین، تازه میوه و سبزوات صادر قیله‌دیگن سوداگرلر، صادراتی تَورلر اوچون، مذکور اتاق و ایکینچیلیک وزیرلیگی‌دن ای و قرنطین برگه‌لری آلیب سوداگرلیک تَورلرینی پاکستان گه صادر قیله‌دی ایکن‌لر.
صنعت و سوداگرلیک اتاقی اورین باسری خان‌جان الکوزی‌نینگ سلام‌وطندارگه ایتیشیچه، سونگی کونلرده پاکستان حکومتی بیر نامه یوباریب بونی ایسته‌گن.
شو توغریده خواطر بیلدیرگن صنعت و سوداگرلیک اتاقی اورین باسری‌نینگ ایتیشیچه، ایکینچیک و سوداگرلیک وزیرلیک‌لری، کیله‌جک ییل کوکلم موسومی و میوه محصولاتی کوتریلگونگه‌قدر، بو قیین‌چیلیک‌نی پاکستان بیلن حل قیلمه‌گن صورتده، افغانستان اقتصادی زیان کوره‌دی.
.jpg)
بیراق، ایکینچیلیک وزیرلیگی سوزلاوچیسی اکبر رستمی، پاکستان‌نی بهانه ایزلش‌گه عیب‌لب ایتیشیچه، بو قیین‌چیلیک‌نی کابل‌ده اسلام‌آباد رسمی‌لری بیلن شریک قیلگن‌لر.
سوداگرلیک وزیرلیگی سوزلاوچیسی ماسفر قوقندی، پاکستان‌نینگ ینگی حرکتی‌نی سیاسی دیب بیله‌دی. بیراق ایتیشیچه، بو قیین‌چیلیک تیزلیک‌ده حل ایتیله‌دی.
ایکینچیلیک و چارواچیلیک وزیرلیگی مسؤوللری‌نینگ ایتیشیچه، حاضر چیگره‌لرده اوشبو وزیرلیک تامانیدن سوداگرلرگه بیریله‌دیگن گواهی‌نامه برچه مملکت‌لر جمله‌دن عرب، اروپا و آسیا مملکت‌لری تامانیدن قبول بولگن.
