آسیا ساحلی فوتبال قهرمانلیک بیلشوولری و دنیا دستلبکی جامی‌ده افغانستان ساحلی فوتبال ملی تیمی بیرینچی مرته ایران برابریده مغلوب بولدی.
مملکت ساحلی فوتبال تیمی، کیین‌مه کیین ایکی یوتوق‌دن سونگ، «دوشنبه» کون اوچینچی اویین‌ده 6-1 نتیجه‌سی بیلن مغلوب ایتیلدی.
شونینگ‌دیک، «یکشنبه» کون ایران 14-0 نتیجه‌سی بیلن مالزیانی باسیب اوتدی و «دوشنبه» کون ایکینچی یوتوق‌نی تجربه قیلدی.
مملکت ساحلی فوتبال تیمی، بوگون «سه‌شنبه» بیلشوولرنی گروهی باسقیچی‌ده بحرین‌نینگ برابریده چیقه‌دی و بو تیم برابریده غلبه قازانیب یا-ده تینگ بولگن صورتده، سونگی باسقیچ‌گه اوتیشی ممکن.
دنیا دستلبکی جامی‌گه اوتیش و آسیا قهرمانلیک بیلشوولری، 13 تیم اشتراکی‌ده مالزیاده اوتکزیلماقده.
