بوگون (دوشنبه) کبدی بیلهشوولر اوچینچی دوری پاکستان میزبانلیگی بیلن بو مملکت باشکینتی اسلامآبادده باشلنهدی.
پاکستانلیک رسانهلرنینگ بوگونکی بیلهشوولرده، ایران بیلن پاکستان، هند بیلن سیریلانکا و افغانستان بیلن نیپال اویینگه چیقیشهدیلر دیب یازگن.
بوکیچه ساعت 11:20 دقیقهده افغانستان بیلن نیپال کبدی تیرمه جماعهلری بیرینچی بیلهشوولری اسلامآبادده باشلهنیشی کوتیلهدی.
ایرته کیچه ساعت 8 ده افغانستان ملی تیرمه کبدی جماعهچیلیگی ایکینچی بیلهشووده هند بیلن، اوچینچی بیلهشووی پاکستان بیلن (15 ثور) ده، 4- بیلهشووی (16 ثور) سریلانکا و سونگی بیلهشوویی ایسه ایران کبدی تیرمه جماعهسی بیلن بولیب اوتیشی کوتیلهدی.
گزارشلرگه کوره، مذکور بیلهشوولرده که می آیینینگ 6 سیگه قدر- افغانستان، پاکستان، هند، سریلانکا، نیپال و ایران مملکتلری حصه آلیشلری بیلن بولیب اوتیشی ممکن.
کبدی بیلهشوولر بیرینچی دوری میلادی 2008- ییلده بولیب اوتگن ایدی که اونده هند کبدی تیرمه جماعهسی قهرمانلیک جامینی آلگن ایدی.
