«اینفرکتدن یوگوریب قوتیلینگ»، دیگن شاعر بوگون ایسکیردی. چونکی یورهک خستهلیکلریدن فارغ بولیشنینگ ثمرهلی یوللری کشف ایتیلدی. خصوصاً، عالِملر یوگوریش ایمس، پیاده سَیر قیلیش یورهک-قان تامیر خستهلیکلری خوفینی ییتّی برابر کمهیتیریب، عمرنی 5-7 ییلگه اوزهیتیریشی ممکنلیگینی اثباتلشدی.
اجتماعي سورولرده انیقلنیشیچه، اهالینینگ 9،2 فایزی آییگه بیر-ایکّی مرته پیاده یورهدی، آلتمیش فایزدن آرتیغی ایسه اوییدن ایشگچه ترانسپورتده باریب کیلیشنی معقول کورهرکن. مشهور یورهک جراحی ل. بکیريه اوزی عبرت کورسهتیب، وضعیتنی اوزگرتیریشگه قرار قیلدی.
بکولیو نامیدهگی یورهک-قان تامیر جراحلیگی علمي مرکزی دیریکتوری شنبه کونلری ایرته تانگده بیر گروه خواهلاوچیلر بیلن پیاده سَیر قیلهدی. هر قندهی آب-هواده هم تاختهب قالمهیدیگن بو سَیرگه هر آی کمیده ایکّی مرته چیقیلهدی.
طب ترقیاتیده یازیشیچه، پیادهلر آرهسیده کیکسه عیاللر و ییگیتلردیک قددی رسا اورته یاشلی ایرککلر کوپ ایکن. اکثریت اکادمیک ل.بکیريه بیلن صحبتلشیش نصیب ایتسه، اونینگ فکرینی ایشیتهمن، دیگن امیدده کسللیک تاریخی و تشخص کاغذلرینی هم چونتکلریگه سالیب آلیسرکن.
بیر کیکسه عیال ایکّی ییل بورون اوپراسیون قیلینگن نبیرهسی بیلن کیلیبدی، نبیرهسی نینگ حیاتینی سقلب قالگنی اوچون منّتدارلیک بیلدیرماقچی ایکن. پیادهلر سَیر آلدیدن قان باسیمی، تامیر اوریشی، شونینگدیک، قند مقدارینی اولچهترکنلر.
کوپ جایلرده سلامتلیک مرکزلری تشکیل ایتیلگن. ایستهگن کیشی اولرده تولیق تیکشیروودن اوتیشی ممکن، دییدی اکادمیک. بیراق مزاجلر کم. فدرال بولگهلرده آچیلگن یورهک-قان تامیر جراحلیگی مرکزلریده هم بیلگیلنگن کواتنی بجریش مشکل، بیمارلر کمچین. آدملر آنده-سانده مراجعت قیلیشهدی. نیگهدیر شفاکارلردن کوره طبیبلرگه باریشنی معقول کوریشهدی.
اکادمیککه ارتیریل قان باسیمی بوییچه کوپ سوال بیریشرکن. ییغیلگنلر آرهسیدن بیر کیشی «قان باسیمی معیاری قنچه بولیشی کیرهک؟» دیب سورهدی. قیسقهچه جواب شوندهی بولدی: 120/80 — 110/70 بولیشیگه حرکت قیلیش ضرور. بوندن باشقچه بولسه، درحال شفاکارگه اوچرهشینگ. شو موضوعده ینه بیر سوال: «قان باسیمی کوتریلیشی نینگ ایلک باسقیچلریده نیمه قیلیش کیرهک؟» جواب لونده بولدی: آرتیقچه طعام ییمسلیک، آرتیقچه ایچیب قویمسلیک و حرکتدن تاختمسلیک کیرهک! گیپیرتونیه نینگ ایلک باسقیچینی جسماني مشغولاتلر، مثلاً، پیاده سَیر یاردمیده موفقیتلی دوالش ممکن.
سَیر چاغی: «کوپلر ایشگه باریش و قَیتیشده ترانسپورتلرنینگ بیریدن ایکّینچیسیگه چاپقیللب جسماني فعاللیک نارمسینی آشیریب بجرهمیز، دیب اویلهیدی. شو توغریمی؟»
اوی بیلن ایشخانه اورتهسیدهگی یوگور-یوگورلر نینگ جسماني فعاللیککه هیچ قندهی علاقهسی یوق، دییدی اکادمیک. چاپقیللش، یوگور-یوگورلر ستریسس، یعنی روحي ضربه آلیسه نینگ عینِ اوزی. سَیرو سیاحت بیلن ستریسس بیر-بیریگه ضد حالتلردیر. سَیر تازه هواده، بیر مرامده، منتظم روشده بیر خیل مصافهنی باسیب اوتیشدیر.
