افغانستان تونیق‌لیگینی تیکشیرووچی اداره اجراییه باشلیغی سیداکرام افضلی، (سه‌شنبه کون) کابل‌ده اوتکزیلگن خبری ییغینده ایتیشیچه، افغانستان دنیا بویلب جاری ییل بودجه تونیقلیگی خصوصیده ناکام بولگن.
بودجه توغری‌سیده خلق ارا بیرلشیک تشکیلات (International Budget Partnership) گزارشی اساسیده، افغانستان حکومتی‌نینگ بودجه تونیقلیگی توغری‌سیده بولگن امتیازی اوتکن ییل‌گه قره‌گنده 59 فایزدن 42 فایزگه کمه‌یگن.
جناب افضلی‌گه کوره، افغانستان میلادی 2008- ییل‌دن 2012- ییل‌گچه بودجه تونیقلیگی توغری‌سیده یخشی یوتوقلرگه ایریشگن، بیراق جاری ییل اوشبو لایحه قیین‌چیلیک‌که روپه‌ره بولگن. مملکت تونیق‌لیگینی تیکشیرووچی اداره باشلیغی‌نینگ کوپه‌یتیریشیچه، سیاسی اراده بولگن صورتده، بودجه‌نی تونیقلشتیریش لایحه یخشی صورتده عمل‌گه آشیریله‌دی.
افضلی‌گه کوره، مذکور گزارش‌ده مملکت‌لر بودجه‌سی نظارتی و عمل‌گه آشیریلیشی خصوصیده بولگن لایحه‌لر و حجت‌لر تیکشیریلگن و اولر اساسیده، مملکت‌لرگه امتیاز بیریله‌دی.
تونیق‌لیک اداره رسمی‌لری، بودجه‌گه یشاوچیلر قول تاپیشی خصوصیده بولگن گزارشلر ترقه‌تیلمه‌گنی و ایشلب چیقاریلمه‌گنی، مملکت پارلمانی و یوکسک تیکشیرووچی اداره‌دیک قوریلمه‌لر کوچسیزلیگی باعث، مملکت امتیازی قویی کیلگن دییدی.
خلق ارا بیرلشیک تشکیلاتی‌نینگ بودجه توغری‌سیده‌گی بیشینچی گزارشی‌ده 102 مملکت بودجه‌سی تیکشیروگه آلینگن.
