بوگون (چهارشنبه) پکتیا یشاوچی‌لریدن بیر قطاری دیورند چیزیغیده پاکستان‌لیکلر تامانیدن تیکانلی سیم توتیلیشی‌گه قرشی اعتراض بیلدیریب بو ایشلری چیده‌مس‌لیک دیگنلر. 200 گه یقین کیشی بولگن اعتراضچی‌لرنینگ ایتیشلریچه، پاکستاننی دیورند چیزیغی‌گه تیکانلی سیم توتیش اجازه‌سینی بیرمیدیلر و اولر مملکت‌لریدن دفاع قیلیشگه حاضرلر.
اعتراضچی‌لردن بیری خلیل وفادار نینگ ایتیشیچه، شو سونگی کونلرده پاکستان اردوسی خندق قازیش یانیده، تیکانلی سیم توتیش، راکتی حجوم و باشقه چیگره‌وی تخطی‌لرگه قول اوریب کیلیش‌نی چیده‌مس‌لیک حالت دیب بیله‌دی.
اعتراضچی‌لر حکومتدن پاکستانگه قرشی توریب افغانستان توپراغیدن دفاع قیلیب تجاوزچیلر آلدینی آلیشینی سوره‌یدیلر.
مملکت تشقی ایشلر وزیرلیگی نینگ سوزلاوچیسی احمدشکیب متسغنی کابلده خبری انجمن آلیب ایتیشیچه، دیورند چیزیغی فرضی بیر چیزیغ و نهایی تصمیم نی چیگره ایکی تامانی نینگ خلقی آله‌دی حکومتلر ایمس.
او، پاکستان تامانیدن افغانستان توپراغیگه راکت اوریشلری ایکی مملکت رابطه‌لرینی یمان قیلیشگه سبب بوله‌دی دیدی.
جناب مستغنی‌گه کوره، تیکانلی سیم توتیش پاکستان تامانیدن بولگن حرکت و بو ایش اوشبو مملکت‌نی ضعیف‌لیگینی کورسته‌دی.
ایکی مملکت اورته‌سیده تاپیلگن سونگی قره‌مه قرشی‌لر دوامیده دیورند چیزیغیده پاکستان‌لیکلر تامانیدن تیکانلی سیم توتیلیشی کوپلب افغانستان ایچیده انتقادلر بیلن بیرگه بولگن.
