یشاوچی‌لر ناراضی‌لیگی ایکینچی کونی بولیب اوتدی. بو اعتراضچیلر ینه بیر بار محمداشرف غنی و عبدالله عبدالله نی چیتلنتیریلیشی‌گه تأکید قیلگنلر.
بو اعتراضچیلر جمهور رییس‌لیک سرایی یقینیده خیمه اورگنلر تظاهراتچیلر اولیمی‌گه حکومتنی عیبلیدیلر.
اولر افغانستان دولتی یشاوچیلرنینگ مدنی اعتراضلری برابریده مستبدچی‌لیک و جنایتچی‌لیکنی پیشه قیلگن و سیستماتیک شکلیده توطئه و مستبدلیک شیوه‌لری بیلن مدنی ظرفیتلر و دموکراتیک شکلیده بوله‌دیگن اعتراضلرنی ایلدیزدن قوریتیشگه تلاش قیله‌دیلر.
اعتراضچی و سیاسی فعاللردن آصف آشنا خبری ییغینده، جهانی جامعه‌سی، انسان حقلر کمیسیونلری و بیرلشگن ملتلر تشکیلاتی تامانیدن افغانستان حکومتی‌گه مستبدچی‌لیک بیلن اعتراضچی‌لرنی نابود قیلیشدن قول کوتاریش خصوصیده باسیم‌گه آلیب اولرنی حق بولگن ایستکلریگه انیق جواب بیریشلرینی طلب قیلگن دیدی.
اعتراضچی و مدنی فعاللردن باقی سمندر، اوتگن کونگی اولدیریشلر مسوولی افغانستان حکومتی و حکومت رهبرلیگیده قرار تاپگنلر و مملکت امنیتی رسمیلری محکمه بولسین دیدی.
بو اعتراضچیلر قطعنامه صادر قیلیشلری بیلن جهانی جامعه سی، خلق ارا انسان حقلری بوییچه فعال نهادلر، ترورچیلرگه قرشی کوره‌ش خصوصیده‌گی یاردمچی نهادلر و بیرلشگن ملتلر تشکیلاتی دن چهارشنبه کونگی قانلی حادثه‌سینی انسانیتگه ضد جنایت بیلیب، قضیه عامللرینی قانونگه تاپشیریش باره‌سیده افغانستان خلقی‌گه یاردم قیلیشلرینی سوره‌گنلر. بو ۵ ماده‌لیک قطعنامه‌ده حکومتنی قانونی لحاظدن مشروعیت سیز بیلیب و حکومت باشلیغ‌لرینی استعفا بیریشلرینی طلب قیلگنلر.
قطعنامه باشقه بیر جاییده حکومتدن اوتگن کونگی امنیتی حادثه‌ده قولی بولگن (جمهور رییس‌لیک تن ساقچی‌لری و کابل گارنیزیونی) نی تیزلیکده قانونی تعقیب قیلینیشلری طلب قیلینگن.
اعتراضچیلر اوتگن کونگی تظاهراتنی مدنی و خودجوش دیگنلر و ایستکلریگه ایتیشمه گونگه قدر اعتراضلری دوام ایتیلیشی‌گه تأکید قیله‌دیلر.
