فاریاب ولایتی نینگ یوزلرچه یشاوچیسی، دین عالم‌لری، مدنی نهادلر اعضالری، جنبش حزبی نینگ اعضالری و جنرال دوستم هواخواه‌لری ولایت اوزاغ-یقین منقطه‌لریدن میمنه شهری نینگ بلدیه ریاستی صحنیده ییغین اوتکزیب مدنی اعتراض اوتکزدیلر. اعتراضچیلر، جمهور رییس بیرینچی اورین باسری سترجنرال عبدالرشید دوستم‌گه قرشی صادر ایتیلگن تهمت‌لرنی قاره‌لب حکومتدن جنرال دوستم‌گه قرشی تهمت صادر قیله‌دیگن فتنه کارلر آلدی آلینیشی‌نی سوره‌گنلر.
اعتراضچی‌لرنینگ آگاهلنتیریب ایتیشلریچه، جمهور رییس نینگ بیرینچی اورین باسری جنرال عبدالرشید دوستم‌گه قرشی بوله‌دیگن بدنام قیله‌دیگن فتنه‌لر آلدینی آلمه‌گن صورتده، ییریک مدنی اعتراضلرگه قول اوره‌دیلر. اعتراضچیلر حکومتدن، جنرال دوستم بشرحقینی نقض قیلمه‌گن و رهبرلریگه قرشی صادر قیله‌دیگن فتنه چیلرگه قولی بولگنلرنی انیقلنتیریب اولرنی جزالنتیریشنی ایسته‌یدیلر.
اعتراضچیلر، تظاهرات اداغی‌ده بیرقطع‌نامه صادر قیلب جمهور رییسدن تیزلیکده جنرال دوستم‌گه قرشی بوله‌دیگن دسیسه‌لر آلدینی آلیب آپرچونیستلرگه سیاسی رهبرلری بیلن اوینش اجازه‌سینی بیرمه‌سین دیگنلر.
شونینگدیک قطع‌نامه باشقه بیر بولیمی‌ده حکومت فاریاب ولایتی نینگ غورماچ تومنیده جنرال دوستم‌گه قرشی صادر ایتیلگن پیستیرمه و حجوم عامللرینی انیقلب جزالنتیریشینی جدی صورتده طلب قیلگنلر.
چمه‌سی بیر آیدن بیری جنرال دوستم و تن ساقچی‌لری نینگ احمد ایشچی‌گه جنسی زورلش تهمت‌لری رسانه‌لر خبرلری باش لوحه‌سی بولدی. حادثه آرتیدن اروپا اتحادیه‌سی، امیریکه، بیرلشگن ملت‌لر تشکیلاتی، ملی مجلس و بشرحقلر کمیسیونی قضیه جدی شکلده تیکشیریلیشی‌نی سوره‌دیلر و حکومت ایسه حادثه تیکشیریلیشی باره‌سیده باشقره لاوچیلیک اداره‌سیگه بوباره تحقیق قیلیش بویروغینی بیرگن ایدی.
باشقره لاوچیلیک اداره‌سی هم ایکی کون آلدین جنرال دوستم نینگ تن ساقچی‌لریدن 9 ته‌سینی توتیش حکمینی صادر قیلدی.
