برقی کیملیک ترقه‌تیش اداره نینگ سابق اونلب ایشلاووچیسی بوگون (سه‌شنبه) ملی کینگش بناسیده قرشیسی‌ده توپله‌نیب اعتراض بیلدیردیلر.
اعتراضچیلر بو اداره مسووللرینی فساد و خویش‌خورلیککه عیبله‌گنلر. اعتراضچیلرنینگ ایتیشیچه، اوچ ییل جریانیده حکومت بولر اورگه‌نیش کوریشی اوچون کته مبلغ صرفله‌گن؛ لیکن، کیملیک ترقه‌تیش اداره‌سی نینگ مسووللری بولرنی ایش‌دن آلیب ینگی شخصلرنی ایش‌گه آلگن.
اعتراضچیلردن بیر ضیاالدین بیدارنینگ سوزلریگه کوره، ینگی دن ایش‌گه آلینگن و آلینه‌دیگنلر مذکور اداره همده حکومت بلند مرتبه‌لی رسمیلری‌نینگ یقین قرینداشلری دیر.
باشقه بیر اعتراضچی شکیبا، نماینده‌لر مجلسی بولرنینگ ایسته‌گیگه اعتبار بیرمه‌گن تقدیرده، عدلی وقضایی اداره‌لرگه مراجعه قیله‌دیلر.
سلام‌وطندارگه صحبت بیرگن برقی کیملیک ترقه‌تیش اداره‌سی نینگ باشلیغی همایون محتاط، بو توغریده‌گی بوتون ادعالرنی رد قیلیب، هنوزگچه بو اداره‌گه هیچ بیر ینگی ملازم ایش‌گه آلینمه‌گن دیدی.
بوندن آلدین هم برقی کیملیک ترقه‌تیش اداره‌سی نینگ مسووللری اوز یقین قرینداشلرینی وظیفه‌گه آلگنی خصوصیده گزارشلر نشر بولگن ایدی. اما، بو اداره‌نینگ رسمیلری اوشبو موضوعنی رد قیلگن ایدی.
