.jpg)
سیلاولرگه اصلاحات کیریتیش کمیسیون باشلیغی شاه‌سلطان عاکفی‌نینگ ایتیشیچه، افغانستان حکومتی سیلاولرگه اصلاحات کیریتیمس‌دن آلدین سیلاولر اوتکزیلیشی‌گه طرفدار ایمس.
اوتگن کون جناب عاکفی بیر خبری ییغین‌ده، سیلاولر کمیسیونلریگه اصلاحات کیریتیش ملی بیرلیک حکومتی ایجاد ایتیلیشی‌نینگ بیرینچی شرط‌لریدن بولگن لیگینی بیلدیرگن.
عاکفی‌گه کوره، افغانستان ملی مجلسی هر دایم کمیسیونلرگه اصلاحات کیریتیشلیشی اوچون تاکیدله‌گن، اما جمهور رییس نینگ بو توغریده‌گی تقنینی فرمانی رد ایتیلیشی تشویشلی دیر.
تیفا یا افغانستان شفاف سیلاولر بنیادی باشلیغی محمدنعیم ایوب‌زاده‌نینگ آگاهلنتیریشیچه، سیلاولر کمیسیونلریگه اصلاحات کیریتیلمس‌دن سیلاولرده اشتراک قیلمیدیلر. اونگه کوره، سیلاولر کمیسیونلریگه اصلاحات کیریتلیشی ملی بیرلیک حکومتی نینگ اساسی سیاسی کیلیشوولریدن.
.jpg)
ایوبزاده، سیلاولر اوتکزیلیش‌نینگ یگانه بدیلی سیلاولر ایرکین کمیسیونلریگه اصلاحات کیریتیش بیلن عملی بوله‌دی دیگن. او، جمهور رییس‌نینگ تقنینی فرمانی ملی مجلس تامانیدن تصدیقلنمه‌گن حالده، تنلاو کمیته‌سی‌نینگ ایشی ناقانونی دیگن.
شونینگ‌دیک جناب ایوبزاده، افغانستان ملی بیرلیک حکومتی‌نینگ رهبرلری هر قنده‌ی قراردن آلدین اساسی قانون‌نینگ 109- 83 و 79 ماده لرینی نظرده توتیشلری بارهسیده تاکیدله‌گن.
افغانستان سیلاولر مستقل کیمیسیون باشلیغی محمد یوسف نورستانی چهارشنبه کونی اوتکزگن مطبوعات انجمنی‌ده سیلاولرنی اوتکزیش مذکور کمیسیون‌نینگ کمشنرلری ایشی ایکن لیکی بارهسیده تاکیدله‌گن ایدی.
عین حالده، مذکور کمیسیون‌نینگ رسمیلری، کیلگوسی هفته افغانستان پارلمان سیلاولری اوتکزیلیش زمانی‌نی اعلان قیلیش‌نی بیلدیرگن ایدیلر.
