.jpg)
افغان کرکټ ملي لوبډلې نن جمعه د (مارچ پر ۱۷مې) په دویمه نړیواله ۵۰ اوریزه سیالۍ کې یو ځل بیا د ایرلینډ کرکټ ملي لوبډله ماته کړه او په روانو سیالیو کې یې ۲ د صفر په بریا سره مخکې شوه.
د افغانستان د ریکارډ ۳۳۸ منډو په ځواب کې ایرلینډۍ کرکټ ملي لوبډله ۳۴ منډې شاته پاتې شو او په ۴۸م اور کې په ۳۰۴ منډو وسوځېدله.
د ۸ کلن انتظار وروسته افغان کپټان اصغرستانکزي د لومړي ځل لهپاره په نړیوالو ۵۰ اوریزو سیالیو کې خپله سیلیزه ووهله او راشد ارمان د ۶ لوبغاړیو په سوځولو د افغانستان لهپاره د ۵۰ اوریز کرکټ تاریخ غوره پنډوسر شو.
د اصغر ستانکزي د سلیزې او راشد ارمان د ریکارډ توپاچونې سره یو ځل بیا ایرلینډی لوبغاړی پال سټرلینګ په ۶ وېکټو او ۹۵ منډو د لوبې غوره لوبغاړی اعلان شو.
.jpg)
د تېرې ورځې په سیالۍ کې هم ایرلینډۍ لوبغاړی ویلیم پورټلفیلډ په سلیزه د لوبې غوره لوبغاړی اعلان شوی و؛ خو دواړو لوبغاړیو خپله لوبډله له ماتو ونهژغورله.
په ننۍ سیالۍ کې د حشمت الله پر ځای شفیق الله شفق ته د لوبېدلو چانس ورکړل شوی و؛ اصغرستانکزي د پچې له ګټلو وروسته د لومړۍ پاڼۍ د کولو پرېکړه وکړه.
له دې مخکې افغانستان د اصغرستانکزي ۱۰۱ رحمت شاه ۶۸ شهزاد محمدي ۶۳ او شفیق الله شفق ۳۵ چټکو منډو سره د خپل نړیوال کرکټ زیاتې ۳۳۸ منډې جوړې کړې وې.
ټاکل شوېده، د دواړو لوبډلو ترمنځ د (جي پي) کپ روانو ۵۰ اوریزه لوبو د لړۍ درېیمه لوبه به د راتلونکې چهارشنبې پر ورځ سهار ۸ نیمې بجې وشي.
