مملکت نینگ سابق سوو برق وزیری همده غرب حوزه‌سی نینگ جهادی سیمالریدن بیری محمداسماعیل خان هرات ولایتیده‌گی ینگی قضیه لردن پرده کوتارگن. جهادنینگ نفوذلی سیمالریدن جناب اسماعیل‌خان، ترکمنستان قوراللی طالبلر بیلن علاقه قورگن دیگن. رسمی عشق آباد چیگره آرقه‌لی جنگری طالبلرگه قورال اسلحه ییتکزیب بیره‌دی دیگن او.
بوگون هرات ولایتیده بیر ییغین‌ده اشتراک قیلگن سابق سوو برق وزیری، اخیرگی وقتلرده حکومت ترکمنستان چیگره‌سیده‌گی بعضی حربی پوسته‌لرنی قیسقرتیرگن دیدی. حاضر ایسه، ترکمنستان و افغانستان چیگره‌سی جنگری طالبلر یوزیگه آچیق دیدی جهادنینگ بو رهبری.
اونینگ سوزلریگه قره‌گنده، حاضرگی کونده افغانستان بیلن ترکمنستان چیگره‌سیده موجود ایکّی – اوچ حربی پوسته ناقانونی باردی کیلدی آلدینی آلیش اوچون ییترلی ابمس. اسماعیل خان، مساله توغریسیده ترکمنستان تقشی ایشلر وزیرینی جریانگه قویگن لیگینی تیلگه آلگن.
جهادنینگ بو سیماسی حکومت‌نی هم تنقید آستیگه آلگن. اونینگ تعبیریچه، هرات نینگ شیندند تومنیده قوراللی طالبلرنینگ نیچه گروهی فعالیت قیله‌دی. شونینگدیک جنگری طالبلر قوماندانلری بولمیش ملا ننگیلای و ملانیازیلرنینگ موتری افغان ملی کوچلری آرقه‌لی نظارت بوله‌دی دیگن.
اما، ولایت والیسی نینگ سوزلاووچیسی جیلانی فرهاد، طالبلر قوماندانی ملی کوچلر تامانیدن محافظت بولیشی باره‌سیده‌گی ادعانی رد قیلگن.
شونینگدیک ترکمنستان نینگ هرات‌ده‌گی وکالت خانه‌سی نینگ مسوولی عبدالقادرکهن، جنگری طالبلرگه رسمی عشق آباد تامانیدن قورال اسلحه ییتکزیب بیریلگن لیگینی رد ایتگن.
بوندن آلدین رسمی مسکو بیلن جنگری طالبلرنینگ مناسبتی بارلیگی گرازش قیلینگ ایدی. شونینگیدک بو گزارش‌نی تصدیق ایتگن رسمی مسکونینگ افغاسنتان‌ده‌گی ایلچیسی، مملکتی نینگ دیپلوماتلری جانی امنیتی تامین بولیشی اوچون بعضی طالبلر بیلن علاقه‌ده بولگنی ناتوغری ایمس.
