.jpg)
افغانستان حکومتی، طالبلر نمایندهلری پاکستان تامانیدن سوزلشووگه چقیریلگنی توغریسیده، بیرلشگن ملتلر تشکیلاتی گه شکایت قیلگن چاغده، قطار رسانهلر طالبلرنینگ پاکستان باش وزیری عمران خان بیلن اوتکزهدیگن سوزلشووی نی لغو بولگنیدن خبر بیرگنلر. اسلامآباد ایرته «دوشنبه» طالبلرنینگ افغانستان تینچلیگی بوییچه نمایندهلری گه میزبانلیک ایتیش گه قرار قیلگن ایدی.
مذکور اوچرهشوو لغو ایتیلگنی سببی حاضرگچه بیللی بولمهگن.
مملکت تشقی ایشلر وزیرلیگی مسئولرینینگ ایتیشلریچه، تینچلیک بوییچه طالبلر نمایندهلری بیرلشگن ملتلر تشکیلاتینینگ قاره رویخطی گه قرار تاپگن و اولرنینگ پاکستان تامانیدن دعوت ایتیلیشی اوشبو گروهنینگ رسمیت گه کوریشی نی کورستهدی.
تشقی ایشلر وزیرلیگی سوزلاوچیسی صبغت احمدینینگ ایتیشیچه ،طالبلر نمایندهلرینینگ پاکستان باش وزیری بیلن اوچرهشووی بیرلشگن ملتلر تشکیلاتی قطعنامهسینینگ آیاق آستی قیلیشی دیر. جناب احمدی گه کوره، تینچلیک بوییچه طالبلر نمایندهلرینینگ آتی بیرلشگن ملتلر تشکیلاتینینگ قاره رویخطی گه قرار تاپگن و اولر سفر ایتیش گه حقلی ایمس دیر و شونینگدیک ایرته اسلامآباد گه یولگه قوییلهدیگن ییغین افغانستاننینگ اویغونلیگی بیلن بولمهگن.
طالبان بوندن آلدین، تینچلیک بوییچه طالبلر نمایندهلرینینگ آتی بیرلشگن ملتلر تشکیلاتینینگ قاره رویخطی گه قرار تاپمهی و اوشبو گروه نمایندهلری پاکستان نینگ دعوتی اساسیده، اسلامآباد گه سفر ایتیشلری توغریسده صحبت بیرگن ایدی.
.jpg)
طالبلرنینگ خبرنامهسیگه کیلیشیچه، اوشبو هیات تینچلیک بوییچه آمریکا خاص نمایندهسی زلمی خلیلزاد بیلن اسلامآباد گه صحبت اوتکزیشی ممکن و شونینگدیک اونینگ یانیده، پاکستان باش وزیری عمران خان بیلن صحبت اوتکزیش اوچون قرار قیلینگن.
شونینگدیک رویترز خبری آژانسینینگ گزارش بیریشیچه، سعودی عربستان ولیعهدی محمد بن سلمان اسلامآباد گه طالبلر نمایندهلری بیلن صحبت اوتکزیشی ممکن.
بوندن آلدین طالبلر مسکو ده افغانستان سابق رسمیلری و قطار جهادی بویوکلری بیلن افغانستان حکومتی نمایندهلرینینگ غیابی گه صحبت اوتکزگن ایدی.
