.jpg)
گلبدین حکمتیار رهبرلیگی‌ده اسلامی حزب اعضالری نینگ زنداندن قویباریلمه گنلیگی اوشبو گروه بیلن تینچ‌لیک لایحه‌سی ییریک زیان کوریشی ممکن.
اسلامی حزب سوزلاوچی‌لریدن بیری حشمت‌الله ارشدنینگ ایتیشیچه، ملی بیرلیک حکومتی و اسلامی حزب اورته‌سیده تینچ‌لیک بیتیمی‌نی عملگه آشیره‌دیگن کمیسیون، اسلامی حزب اعضالریدن 69 ته‌سی بوگون افغانستان تورمه‌خانه لریدن قویباریلیشی ممکن ایدی، بیراق حاضرگه قدر قویباریلمه‌گنلر.
مذکور حزبگه وفادار زندانیلر قویباریش باره‌سیده حکومتی حلقه‌لرنینگ اره‌لشیب کیینگه تشلشلری تینچ‌لیک لایحه‌سیگه ضرر ایتکزه‌دی، دیدی جناب ارشد.
اوشبو حزب سوزلاوچیسی نینگ کوپه‌یتیریشیچه، جمهور رییس زندانیلرنی قویباریلیشیگه تلاش قیله‌دی. بیراق حکومت بیلن اسلامی حزب اورته‌سیده تینچ‌لیک بیتیمی تطبیق ایتیله‌دیگن کمیسیون نینگ ایتیشیچه، حاضرهم بوحزب اعضالری قویباریلیشی اوچون کوپلب ایشلر قالگن و ایشلر خلاص بولیشی بیلن 70 کیشی مملکت تورمه‌لریدن قویباریلیشی ممکن.
.jpg)
کمیسیون سوزلاوچیسی احمد فرزان نینگ ایتیشیچه، اسلامی حزب اعضالری نینگ قویباریشده اوچ تعهدنامه نظرده توتیلگن، بیرته‌سی اسلامی حزبی نینگ زندانیلری مذکور حزبگه تیگیشلی ایکن‌لیگی تصدیقلنیشی، زنداندن قویباریلگندن سونگ بیتیم ماده‌لریگه حرمت قیلیشلری و باشقه بیر تعهدنامه قوم یاش اولوغلری قویباریلگن شخصلر ینه جنگری گروه‌لرگه قوشیلمس‌لیگی باره‌سیده تصدیقلشلری لازم.
جناب فرزانگه کوره، حکمتیار اسلامی حزبی نینگ اعضالری پلچرخی‌ده‌گی زندانیلرینی باریب کورگن و جاری هفته آقیمی‌ده بگرام تورمه‌سیده‌گی زندانیلرینی هم کوریب و اولرگه افغانستان حکومت بیلن تینچ‌لیک لایحه‌سی باره‌سیده معلومات بیره‌دیلر.
اسلامی حزب نینگ تورمه‌لرده‌گی اعضالریدن 69 ته‌سی اوتگن هفته دوشنبه کونی زنداندن قویباریلیش قرار آلینگن ایدی، بیراق ارشدگه کوره، بیرهفته کیینگه قالیشی بیلن بوگون هم عملی بولمه‌گن.
جمهور رییس‌لیک سرایی نینگ مطبوعات دفتری سرپرستی شاه‌حسین مرتضوی هم اوتگن هفته خبری انجمن آلیب حکومت بیلن حکمتیار اورته‌سیده تینچ‌لیک بیتیمی کیله‌سی 15 کونگه قدر عملی بولیشی بیلن کیله‌سی بیرهفته‌گه قدر اوشبو حزب اعضالری زنداندن قویباریله‌دی دیگن ایدی.
