تورکیه امنیتی رسمی‌لرینینگ ایتیشیچه، استانبول «رینا» ناملی کیچه کلویپیگه قورالی هجوم نتیجه‌سیده 39 کیشی جان بیرگن و 69 کیشی یره‌لنگن.
تورکیه نینگ ایچکی ایشلر وزیری سلیمان سویلونینگ ایتیشیچه، اولگنلر ارا 16 تشقی یشاوچیلر شامل حادثه‌ده جان بیرگنلر.
مذکور کلوپ استانبول نینگ اورته‌کوی منطقه‌سیده جایلشگن و گزارشلرگه قره‌گنده، هجوم اویوشتیریلگن پیتده مذکور کلوپ ایچیده 700 کیشی موجود ایکن.
بوندن آلدین استانبول والیسی واثب شاهین حادثه‌ده جان بیرگنلر ارا پولیس کوچلریدن بیرکیشی بارلیگینی ایتگن ایدی.
حاضرگه قدر حادثه قه‌ییردن کیلیب چیقیشی انیق ایمس، بیراق استانبول والیسی حادثه‌نی ترورچی‌لر تمانیدن بولگن عصیان توغدیریش عمل دیگن ایدی.
دستلب گزارشلرده هجومچی شخص‌لر ایکی کیشی دییلگن ایدی، بیراق جناب ثاقب نینگ ایتیشیچه، هجومچی شخص بیرکیشی بولگن.
گزارشلرگه کوره، هجوم شخص نویال بابا کیمیده ایکن.
حاضرگه قدر هیچ بیر گروه یا شخص حادثه مسؤولیتینی بوینیگه آلمه‌گن.
نیچه آیدن بیری تورکیه کوپلب عصیانچی هجوم‌لرگواهی بولیب، مذکور هجوم‌لردن کوپیسی داعش و دولتگه قرشی بولگن کُرد گروه‌لری تامانیدن صادر بولگن‌لیگی ایتیله‌دی.
ایکی هفته آلدین روسیه نینگ تورکیه ده‌گی ایلچیسی اندرئی کارلوف توریکه باشکینتی انقره‌ده بیر کورگزمه نمایشیده، تن ساقچی‌سی اوق بیلن آتیب اولدیردی.
