افغانستان بوییچه شفافیت نی کوزه‌تووچی اداره نینگ ایتیشیچه، ارگ و سپیدار آره‌سیده عدلی، نظارتی و انتظامی اداره‌لر تقسیم بولیشی توغریسیده کیلیشووگه ایریشیش اوچون بولگن مذاکره‌لردن خواطرده دیر.
مذکور اداره مسؤوللری، بیر خبرنامه نشر قیلیب سیاسی اره‌لشوولرگه توسیق بوله‌دیگن، قانون حاکمیتی‌نی تأمین قیلووچی و باشقه دولتی اداره‌لرنی جواب بیریش گه حاضر قیله‌دیگن اداره‌لردن کوپینچه‌سی سیاسی‌لشتیریلیشی توغریسیده بوله‌دیگن سعی و حرکت‌لر توغریسیده آگاه‌لنتیرگن.
افغانستان بوییچه شفافیت نی کوزه‌تووچی اداره‌نی اجراییه باشلیغی سید اکرام افضلی نینگ ایتیشیچه: «دولت نینگ کلیدی اداره‌لری سیاسی‌لشتیریلگنی باعث، اوزون زماندن بویان فساد افغانستان نینگ یقه‌سینی توتگن.»
جناب افضلی گه کوره، دنیا جماعه‌چیلیگی نینگ کوپلب سرمایه یاتقزیشی گه قره‌گنده، سیاسی منفعت‌لر تأمین‌لنیشی اوچون عدلی، نظارتی و انتظامی اداره‌لر طرف‌لرگه تاپشیریلیشی باعث، افغانستانده دولت توزه‌تیش لایحه‌سی ناکام بولگن. اونینگ اورغولشیچه: «افغانستان گه باشقه دولتی اداره‌لر ناکام‌لیگی و کیچیریم مدنیتی توغریسیده کوچ قالمه‌گن.»
شفافیت نی کوزه‌تووچی اداره، بوتون سیاسی گروهلردن شفافیت، حساب بیریش و امانت‌دارلیک نی اصلاحات چارچوبه‌سیده قرار بیریب، قضایی کوچ نینگ ایرکین‌لیگی گه حرمت قیلیب و عدلی و نظارتی اداره‌لرنینگ سیاسی‌لشتیریش دن قول تارتیش‌لرینی سوره‌گن.
شونینگدیک، اوشبو اداره افغانستان نینگ بوتون مدنی اداره‌لری، ملی کینگش و خلق دن سیس چیقاریش‌لری، قضایی کوچ و «مملکت نینگ سیندیرووچی و ضعیف نظارتی» اداره‌لرینی سقلش‌لرینی طلب قیلگن.
شفافیت نی کوزه‌تووچی اداره، دنیا جماعه‌چیلیگی‌دن افغانستان نینگ قضایی و نظارتی اداره‌لرینی خوفسیز سقلش اوچون هر بیر سیاسی کیلیشوو جریانیده کوپلب سعی و حرکت قیلیشی‌نی ایسته‌گن.
افغانستان بوییچه شفافیت نی کوزه‌تووچی اداره نینگ دادخواهلیک و علاقه‌وی مسؤولی محمدناصر تیموری نینگ ایتیشیچه: «قانون حاکمیتی‌نی تأمین قیلووچی، دولت شفافیتی و معلومات گه قول تاپیشنی تضمین قیلووچی، فساد و انسان حقوقی نقض قیلینیشی گه توسیق بوله‌دیگن اداره‌لر بویوک خطرگه روپه‌ره بولگن.»
شفافیت نی کوزه‌تووچی اداره نینگ خبرنامه‌سیده کیلیشیچه، میدیالر تامانیدن ترقه‌تیله‌دیگن گزارشلر عالی کینگش، عالی محکمه و باش‌قاره‌لاوچیلیک اداره‌سی نینگ اعضالری سیلاو بحرانی گه نقطه قوییلیشی اوچون ملی بیرلیک حکومت دن باشقه بیر توری ایجاد ایتیلیشی خصوصیده، پیش‌تاز سیلاو تیم‌لری آره‌سیده تقسیم بولیشی ایتیلماقده.
عین حالده، نیچه وقت دن بویان جمهورلیک ریاست سیلاویدن کوتریلگن بحران حل ایتیلیشی خصوصیده، شراکت‌لی بیر حکومت ایجاد ایتیلیشی توغریسیده ارگ و سپیدار آره‌سیده سوزلشوولر دوام ایتماقده.
سلام‌وطندار کمیده ایکی هفته آلدین، محمداشرف غنی بیلن سیاسی بیر کیلیشووگه ایریشیش اوچون عبدالله عبدالله نینگ ریجه‌سیدن بیر نسخه گه قول تاپدی. عبدالله عبدالله گه یقین بیر منبع نینگ سلام‌وطندارگه ایتیشیچه، بو ریجه نهایی بولگن. اوشبو ریجه اساسیده، مرکزی و ولایتی اداره‌لر عبدالله عبدالله و محمداشرف غنی نینگ آره‌سیده تینگ شکلده تقسیم بولیشی ممکن.
