افغانستان جمهورلیک ریاست سوزلاوچیسی صدیق صدیقی نینگ ایتیشیچه، افغانستان دولتی تینچلیک اوچون ییترلیچه حرکت‌لرنی عمل‌گه آشیرگن و طالبان نینگ افغانستانلیک‌لر ارا سوزلشوولرنی توخته‌تیش گه هیچ بیر بهانه و دلیلی یوق دیر.
صدیق صدیقی نینگ اوز توییتر صحیفه‌سیده یازیشیچه، طالبان گروهی نینگ امضاله‌گن کیلیشوونامه و تینچلیک خصوصیده قرارلی بولگن صورتده، افغانستانلیک‌لر ارا سوزلشوولرنی توخته‌تیش گه هیچ بیر بهانه‌سی قالمه‌یدی.
عین دمده، افغانستان دولتی طالبان گروهی بیلن مذاکره قیلیش اوچون محمدمعصوم استانکزی نینگ ییتکچیلیگی‌ده 21 کیشی‌لیک بیر هیأت تانیشتیرگن، بیراق مذکور گروه بو هیأت توغریسیده ملاحظه‌سی یوقلیگی‌نی ایتگن.
آمریکا و باشقه بیرقطار مملکت‌لری بو هیأت نی همه‌شمول دیب و اونی خوش قرشی‌لشگن.
بوگون «سه‌شنبه، 12- حمل» افغانستان بوییچه اروپا بیرلیگی نینگ نماینده‌لیگی، بیر خبرنامه نشر قیلیب تشکیل ایتیلگن هیأت نی همه‌شمول دیب و اونی خوش قرشی‌لگن.
اروپا بیرلیگی طالبان گروهی دن بهانه‌نی چیتگه قوییب آتیش‌کیسین برقرار ایتیلیشی و سیاسی ییچیم یول تاپیلیشی اوچون دولت بیلن مذاکره قیلیشی‌نی طلب قیلگن.
