اجرایی ریاستی تشقی ایشلر وزیرلیگی ایشلرینی تیکشیریش توغریسیده بولگن ارگ بویروغی نی رد قیلگن.
ملی بیرلیک حکومت اجرایی ریاستی بیر بویروغ صادر قیلیب یازیشیچه، حاضر جمهورلیک ریاستی کمپاینلری نینگ زمانی بولگنی اوچون، تشقی ایشلر وزیرلیگی ایشلرینی تیکیشیریش توغریسیده بولگن بویروغ کیلهجک حکومت تشکیل ایتیلگونگه قدر تعلیق بولیشی کیرهک.
اجتماعی ترماقلرده ترقهتیلگن مذکور بویروغ گه سیلاولر کمپاینلری کونلریده تشقی ایشلر وزیرلیگی تیکشیریلیشی خصوصیده بولگن اقدام سیلاوی کمپاین کورینهدی دییلگن.
بوندن آلدین جمهور رئیس غنی اداری فسادگه قرشی کورهشنی تیکشیریش و نظارت قیلیش کمیته یا-ده میک تامانیدن ایچکی ایشلر وزیرلیگی ایشلاوچیلری چیتایل گه یوباریلیشی و اوشبو وزیرلیکده استخدام قیلیش پروسهسی تنیق بولمهگنی خصوصیده ترقتگن گزارشیدن کیین بیر بویروغ صادر قیلیب مذکور وزیرلیکده استخدام ایتیلیش پروسهسی و شونینگدیک فساد توغریسیده بولگن احتمال نی تیکشیریش اوچون بیر هیأت تعیین قیلدی.
جاری ییل (16- اسد آیی) ده فسادگه قرشی کورهشنی تیکشیریش و نظارت قیلیش کمیته تامانیدن نشر قیلینگن گزارش گه کیلیشیچه، تشقی ایشلر وزیرلیگیده دیپلوماتیک و قونسلی ایشلاوچیلرنی استخدام قیلیش پروسهسی سیاسی اَرهلشوولردن تأثیر کورگن.
شو توغریده:
تشقی ایشلر وزیرلیگیده 400 کیشی نارسمی شکلده ایش گه آلینگن
سنامجلسی: غنی عبدالله سیلاولر کمیسیونی اوز ارا تقسیملش فکریده
اوشبو کمیته مسئوللری نینگ ایتیشیچه، تشقی ایشلر وزیرلیگی ایشلاوچیلریدن 40 فایزی غیر رسمی و واسطه اساسیده استخدام قیلینگن.
بیراق تشقی ایشلر وزیرلیگی «میک» تامانیدن ترقتیلگن گزارش نی «ناتوغری، سیاسی و کینهلی» دیگن ایدی.
عین حالده، جمهورلیک ریاستی وزیرلیکلر تیکشیریلیشی توغریسیده بولگن جمهور رئیس بویروغی عملی ایتیلیشی اوستیگه اورغولهگن.
جمهورلیک ریاستی سوزلاوچیسی صدیق صدیقی نینگ رسانهلرگه ایتیشیچه، جمهور رئیس بویروغی تطبیق ایتیلیشی کیرهک و افغانستان جمهور رئیسی نامزدلیککه علاوه بیر جمهور رئیس دیر و حکومتی ایشلر آلغه کیتیشی توغریسیده مسئولیتی بار.
مذکور بویروغ توغریسیده اجرایی ریاستی نینگ فکرینی اورگهنیش ایستهدیک، بیراق اوشبو نهاد سوزلاوچیسی نینگ اورین باسری سوزلش گه حاضر بولمهدی.
