جمهوررئیس‌لیک سرایی بیر خبرنامه ترقه‌تیب اعلام قیلیشیچه، جاپان شمالی کوریا برابریده افغانستان‌دن حمایت سوره‌گن.
افغانستان جمهورلیک ریاستی نینگ خبرنامه‌سیده کیلیشیچه، جاپان باش‌وزیری «شنزوآبه» افغانستان جمهوررئیسی محمداشرف غنی‌دن شمالی کوریا برابریده جاپان نینگ موقفی‌دن حمایت قیلیشی نی سوره‌گن.
خبرنامه‌سیده اساسیده: «جاپان خوفسیزلیگی شمالی کوریا تامانیدن تهدید آستیده قرار تاپگن و جمهوررئیس غنی‌دن افغانستان حکومتی شمالی کوریا برابریده جاپان نینگ موقفی‌دن حمایت قیلیشی نی سوره‌گن.»
شونینگدیک شنزوآبه مذکور اوچره‌شووگه ایتیشیچه، افغانستان حکومتی و اهالیسی رهبرلیگیده بوله‌دیگن تینچلیک پروسه‌سیدن حمایت قیله‌دی.
شو توغریده:
- جاپان ماین تازه‌لاوچی پروژه‌لرگه 1.2 میلیون دالر یاردم بیردی
افغانستان سیلاوی اوچون جاپان 13 میلیون دالر یاردم بیردی
محمداشرف غنی جاپان باش‌وزیری شنزوآبه بیلن مذکور مملکت ینگی امپراتوری گه تاج قوییش مراسمی نینگ چیککه‌سیده اوچره‌شگن.
مذکور کیشیلر همکارلیکلر دوامی، افغانستان‌ده سرمایه یاتقیزیش اینیقسه کانلر، تینچلیک، برقرارلیک و خوفسیزلیک توغریسیده بحث قیلگن.
جاپان ینگی امپراتوری «ناروهیتو» می آیی‌ده سلطنتی نی باشله‌گنیدن کیین، ایکی کون آلدین رسمی شکلده تاج قوییلدی؛ اوشبو 59 یاشر امپراتور آته‌سی «آکی‌هی» استعفا قیلگنیدن کیین رسمی شکلده سلطنتی نی باشله‌دی.
