.jpg)
افغانستان قاچقین‌لر قیین‌چیلیگی حل ایتیلیشی اوچون اروپا اتفاقی‌نینگ یوقاری مرتبه‌لی هیاتی افغانستان قاچقین‌لر ایشلری بوییچه وزیر عالمی بلخی بیلن اوچره‌شیب ملاقات قیلیشی کوتیله‌دی. اروپا اتفاقیده‌گی مملکت‌لرده استقامت قیله‌دیگن افغان مهاجرلری قیین‌چیلیگی اوستی‌ده بحث قیلیش اوچره‌شوونینگ اصلی نیت‌لریدن بولگنی ایتیله‌دی.
بوندن آلدین ترقه‌تیلگن گزارشلرده، اروپا مملکت‌لری افغان قاچقین‌لرینی اوز وطن‌لریگه قیتریشی معلوم قیلینگن ایدی. اما، مهاجرلر ایشلری بوییچه وزیرلیک‌نینگ رسمیلریگه کوره، وزیرلیک‌نینگ بو خصوصده آلیب بارگن سعی و حرکت‌لریدن کیین اروپا اتفاقی قاچقین‌لر موجود قیین‌چیلیگی حل ایتیلیشی اوچون بروکسل ییغینی‌ده الینه دیگن قرارنی کوته‌دی.
قاچقین‌لر وزیرلیگی‌نینگ مطبوعات مصلحتچی‌سی حفیظ احمد میاخیل‌نینگ سلام‌وطندارگه ایتیشیچه، اروپا اتفاقی‌نینگ بلند مرتبه‌لی هیاتی بوگون کابل‌ده مهاجرلر وزیری بیلن اوچره‌شیشی کوتیله‌دی.
.jpg)
جناب میاخیل‌گه کوره، اوچره‌شووده بعضی موضوع‌لر جمله‌دن کیلیشوو امضاله‌نیشی و جاری ییل اکتوبر آییده بروکسل ییغینی قینده‌ی اوتکزیلیشی کبی مساله‌لر بحث‌گه آلینه‌دی.
کوپینچه قشاق‌لیک و نابرقرارلیک جاری ییل‌ده سوریه، عراق و افغانستان خلقی‌نینگ ییریک قسمی دنیا دینگیزلری‌ده‌گی خطرلرنی قبول قیلیب اورپا مملکت‌لریده باش پنه ایزله‌گن‌لر.
قاچقین‌لرنینگ بیرینچی و یقین کوزله‌گن مقصدی اروپا مملکت‌لری جمله‌دن بریتانیا، آلمان، فرانسه، سویدن و ناروگه باریش دیر. جاری ییل‌دن هنوز گچه یالغوز 150 مینگ کیشی دینگیز آرقه‌لی اوزینی ایتالیا و یونانگه ییتکزیگن.
بیرلشگن ملت‌لر تشکیلاتی‌نینگ قاچقین‌لر ایشلری بوییچه کمشنرلیگی جاری ییل سرطان آیی‌نینگ اون توقیزینچی‌سیده ترقتگن گزارش‌ده، کونده اورته‌چه بیر مینگ قاچقین یونان آرال‌لریگه اوزلرینی ییتکزه دیلر دیگن ایدی.
