افغانستان دولت باشقره لاوچیلیگی نینگ یوقاری مرتبه لی رسمیلری، مذکور اداره آرقلی اداری فسادگه قولی بولگن اونلب کیشی نینگ رویخطی جمهور رئیس لیک سراییگه جونه تیلگن لیگینی ایتگن لر.
مملکت دولت باشقره لاوچیلیک اداره سی نینگ سوزلاووچی لریدن بیری آصف فیاض نینگ سلام وطندرگه معلوم قیلیشیچه، باشقه ولایت لرده هم اداره فسادگه قولی بولگن شخص لرنی انیق لش اوچون دولت باشقره لاوچیلیک اداره سی تیکشیرو باشله گن. اداری فسادگه قولی بولگن شخص لرنینگ عمومی رویخطی افغانستان جمهور رئیس لیک سراییگه جونه تیلیشی کوتیله دی.
فیاض نینگ معلوم قیلیشیچه، افغانستان جمهور رئیسی اداره فسادگه قولی بولگن شخص لر نامی فاش ایتیلیشی اوچون دولت باشقره لاوچیلیک اداره سیگه نامه یوللگن دن بویان، مذکور اداره فسادگه قولی بولگن شخص لرنی انیق لش اوچون جدی سعی و حرکت قیله باشله گن. اونینگ ایتیشیچه، جمهور رئیس غنی نینگ نامه سیگه اساسله نیب، دستلب اداری فسادگه قولی بولگن شخص لرنینگ نامی فاش قیلینه دی، سونگ باشقه مورد لر اوستیده ایش کوریله دی.
شونینگ دیک جناب فیاض، اداری فسادگه قولی بولگن شخص لر دولت نینگ ایریم لوازملری نینگ ایشلاچیلریدن عبارت ایکن لیگی نی ایتگن. اونگه کوره، مذکور کیشی لر دولت نینگ اداره لریده گی اورین باسرلردن آلیب ایریم لوازم لرنینگ رسمیلریدن عبارت.
دولت باشقره لاوچیلیک اداره سی نینگ سوزلاووچیسی، اداری فسادگه قولی بولگن شخص لر دولت تامانیدن اوشله نیشی بیلن بیرگه مذکور لوازم لریگه متخصص همده اداری فسادگه قول اورمیدیگن شخص لر تعین ایته یاتگن لیگی نی بیلدیرگن. اوشبو کیشی لر دولت لوازم لریگه تنیشتیریلیشی اوچون بیرینچی دن جمهور رئیس لیککه تنیشتریلگن.
اداری فسادگه قولی بار کیشی لرنی انیق لش و اولرنی رویخط گه آلیش جریانی افغانستان بولیب باشلنگن لیگی تاکیدلنه دی.
