احمد ایشچی‌نینگ اوغلی بابر ایشچی آته‌سی بگرام قرارگاهیگه آلیب کیتیلگن‌لیگینی سلام‌وطندارگه ایتدی.
جناب ایشچی، آته‌سی اون آلتی کون حبس جریانیده آغیر جراحت کورگنی باعث ایچکی ساغلیقنی سقلش مرکزلری اونی انیقلب دوالش‌گه قادر بولمه گن‌لیگینی ایتگن. او، آته‌سی دواله‌نیش مقصدیده بگرام حربی قرارگاهیگه آلیب باریلگن‌لیگینی تیلگه آلگن.
افغانستان جنبش حزبی نینگ سابق اعضالریدن بولمیش احمد ایچشی قوس آیی نینگ آلتینچی کونی جوزجان مرکزی شبرغان شهریده‌گی اوغلاق میدانیده جمهور رییس نینگ بیرینچی اورین باسری تامانیدن کلتکلنگندن سونگ چمه‌سی بیش کون جنرال دوستم نینگ شخصی اویده قماقده بولگن.
جناب ایچشی اوتگن کون اخبارات واسطه‌لریگه: « جنرال دوستم نیچه بار مینگه یقینلشدی، سونگ تَن قوریقچیلری‌نینگ اون تَه‌سیگه کمینه‌نی جنسی تجاوز قیلیش اوچون بویروق بیریب مقعدیمدن قان کیلمه‌گونگه قدر اوستیمدن قول تارتمس‌لیگینی سوره‌دی» دیدی. جنبش حزبی نینگ اوشبو سابق اعضاسی دوستم نینگ تن ساقچیلری یَپ یلنغاچ بیش کون حبس‌ده قویگن لیگینی تیلگه آلگن.
درحال جناب ایشچی مساله‌سی باره‌سیده اروپا بیرلشمه‌سی، آسترلیا، کانادا، ناروی و امریکا نینگ افغانستان‌ده‌گی ایلچیلیگی خبرنامه نشر قیلیب، افغانستان حکومتیدن بو توغریده جدی تیشکروو آلیب باریشنی سوره‌دی.
لیکن، بو قبیل عیبلاولرنی رد قیلگن بیرینچی اورین باسرلیک بیاناتیگه کوره، « نیچه وقتدن بیری معلوم بولمه‌گن بعضی بیر تیوره‌کلر آرقه‌لی جمهور رییس نینگ بیرینچی اورین باسریگه نسبتن قرشی حرکتلر باشلنگن»
احمد ایشچی مساله‌سیگه اشاره قیلگن جمهور رییسلیک بیرینچی اورین باسرلیگی، ایشچی دولت قوراللی مخالفلرینی حمایت قیلگن‌لیک عیبی بیلن ولایت ملی امنیت اداره‌سی تامانیدن حبس‌گه آلینگن لیگنی ادعا قیلگن. دوستم نینگ اداره‌سی، تیگیشلی اداره‌لردن حادثه توغریسیده شاشمسلیکلری اوستیده تاکید قیلگن.
افغانستان جمهور رییسلیک سرایی بیر بیانات ترقه‌تیب، « افغانستان اسلامی جمهورلیگی اسلام قدریتی همده مملکت اساسی قانونی ینه خلق ارا میثاقلرگه موافق مملکت هر بیر یشاووچیسی‌نینگ جانی، عزتی، خوفسیزلیگی و انسانی حق و حقوقینی سقلش اساسی مجبوریتلریدن ایکن‌لیگی‌گه اشاره قیلگن»
شونینگدیک خبرنامه‌ده افغانستان دولتی احمد ایچشی‌نینگ حادثه‌سی جنرال دوستم و اونینگ کیشیلری جنسی زورلیش عیبلاولری بوتکول تیکشیریلیب تحقیقات جریاینده قولگه کیریتیلگن نتجه‌گه موافق مملکت عدلی وقضایی اداره‌لری آرقه‌لی بو توغریده طرف‌سیزلیک و مستقل روشده ایش کوره‌دی دییلگن.
احمد ایشچی بگرام حربی قراگاهیگه آلیب باریلیشی توغریسیده افغانستان ایچکی ایشلر و ملی خوفسیزلیک باشقرمه‌سی فکرینی اورگه‌نیش اوچون سعی وحرکت آلیب باردیک، لیکن بو توغریده‌گی سعی حرکتلریمیز ایجابی نتیجه بیرمه‌دی.
