حکومت اجراییه باشلیغی عبدالله عبدالله نینگ ایتیشیچه، بوگون جمهور رییس غنی پاریسده پاکستان باش وزیری نواز شریف بیلن اوچره‌شیشی ممکن.
بوگون جناب عبدالله وزیرلر کینگشی اولتیریشده سوزگه چیقیش قیلیب، اشرف غنی بیلن نوازشریف قیسی موضوع باره‌سیده اوچره‌شیشلری اوچون بیرنرسه دیمه‌دی.
اجراییه باشلیغی‌گه کوره، نیچه کون آلدین پشتونخوا سیاست‌چیلری نینگ کابل‌ده قیلگن سفریده جمهور رییس‌دن پاریس اولتیریشی چیکه‌سیگه نوازشریف بیلن اوچره‌شیش ایسته‌کینی قیلگن ایدیلر و جمهور رییس هم بو ایسته‌کلرینی قبول قیلدی.
پاریس اولتیریشی‌ده دنیا ۱۸۰ مملکت باشلیغی قتنه‌شیشی بیلن بوگون پاریسده اوتکزیلدی. جناب عبدالله گه کوره، پاریس اولتییریشی اوچون افغانستان یخشی تیارگرلیک آلگن و شاید بو اولتیریشده تاریخی تصمیم‌لر آلینسه دیگن.
شونینگ‌دیک عبدالله گه کوره، جمهور رییس غنی بو پاریس اولتیریشیدن کیین ایتالیا، سویدن و آلمان هم سفر قیله‌دی.
اجراییه باشلیغی شوپیتده جمهور رییس غنی بیلن پاکستان باش وزیری اوچره‌شووی باره‌سیده سوزلشه‌دیکه اوتگن کون سنا کینگشی شاه‌شهید حادثه‌سیدن کیین جمهور رییس نینگ پاکستان توغریسی‌ده آلگن موضوع‌گیرلیکلرینی اسره‌ب، پاکستان باش وزیری بیلن اوچره‌شوو اوتکزمس‌لیگینی ایسته‌گن ایدی.
اوتگن کون سنا باشلیغی فضل‌هادی مسلم‌یار، افغانستان تینچ‌لیگی باره‌سیده پاکستان عمل قیلمه گونگه قدر و تینچ‌لیک باره‌سیده قیلگن ایشلری نتیجه بیرمه گونگه قدر، باید افغانستان جمهور رییسی توتگن یولینی قویبارمه سین دیدی.
