.jpg)
ملی بیرلیک حکومت اجراییه باشلیغی عبدالله‌عبدلله افغانستانده اوچ یریم میلیون کیشی انسان پرورلیک یاردم‌لرگه احتیاجی بار دیگن. بو قیین‌چیلیک برطرف ایتیلیشی اوچون میلادی 2016- ییل‌ده 393 میلیون دالرگه ضرورتی بارلیگی ایتیله‌دی.
بوگون کابل‌ده میلادی 2016- ییل افغانستان اوچون انسان پرورانه یاردم‌لرنی تانیشتیریش نامی آستیده اوتکزیلگن ییغین‌ده اشتراک قیلگن عبدالله نینگ ایتیشیچه، ترتیب ایتیلگن لایحه اساسیده، شاشیلینچ باش پنه قوریش اوچون 53 میلیون دالر، ایکینچیلیک بولیمی‌گه 110 میلیون دالر، ساغلیق اوچون 63.2 میلیون دالر، آوقت‌لنتیریش ساحه‌سیگه 42 میلیون دالر، آزیق آوقت خوفسیزلیگی اوچون 20.5 میلون دالر و تازه ایچیم‌لیک سوو اوچون 36.2 میلیون دالرگه احتیاج بار.
عبدلله، اوتگن ییل انسان پرورانه کومک‌لر اوچون 417 میلون دالر یاردم کورسه تیلیشی سوره‌لگن ایدی دیب؛ اما دنیا جماعه چیلیگی و افغانستان‌گه همکارلیک قیله دیگن خلق ارا اداره‌لر 424 میلیون دالر حکومت‌گه بیرگن‌لر دیگن، بو ایسه دنیا دولت‌لری‌نینگ افغانستان‌گه بیرگن وعده‌لریگه عمل قیلیش‌نی کورسته‌دی دیگن جناب عبدالله. اونینگ ایتیشیچه، اوتگن ییل کورسه تیلگن مالی یاردملر ییر قیمیرلش، سوو تاشقین‌لری، قاچقین‌لر و خارج دن مملکت‌گه قیتگن خانه‌دانلرگه ترقه‌تیلگن.
باشقه تاماندن، افغانسان‌ده بیرلشگن ملتلر تشکیلاتی یاردملرینی هماهنگ ایتووچی نماینده‌سی مارک باودن‌گه کوره، 2015- ییل جریانیده افغانستان بویلب 300 مینگ کیشی قورغاقچیلیک، طبیعی حادثه‌لر و اوروش جریانیده اوز ییش اویلریدن آواره بوگن‌لر.
شونینگ‌دیک جناب باودن، افغانستانده بیر میلیون باله آزیق آوقت خوفسیزلیگی گه ایگه ایمس دیگن. بو جلمه‌دن فقط 40% انسان پرورانه یاردم‌لردن قول‌گه کیریته‌دیلر.
ییغین‌ده اشتراک قیلگن افغانستانده آلمان‌نینگ نماینده‌سی مارکوس پوتسل یاردم کورسه‌تیوچی مملکت‌لر نماینده‌لیگده سوزگه چیقیب، مملکتی افغانستاننی ترقیات ساحه‌سیده همکارلیک قیلیش‌دن سوز بیرگن. اونینگ سوزلریگه قره‌گنده، مملکتی 2015- ییل دوامی‌ده افغانستانلیک قشاق انسانلرگه 17 میلیون اقش دالری یاردم کورستگن.
افغانستان حکومتی‌نینگ بلند مرتبه‌لی رسمیلری اوتگن ییل جریانیده 3.1 میلیون انسان طبیعی حادثه‌لرده زیان کورگن‌لیگینی بیلدیرگن‌لر.
مملکت قیشلاقلرنی رواجلنتیریش وزیرلیگی‌نینگ اورین باسری امان‌الله جواد، انسان پرورانه یاردملر محلی اداره‌لر تامانیدن صرفله‌نیشی باره‌سیده تاکیدله‌گن.
