حکومت اجرائیه باشلیغی عبدالله عبدالله نینگ ایتیشیچه، افغانستان یشاوچی‌لریدن کوپینچه‌سی تینچلیک تأمین ایتیلیشی نی ایسته‌یدی و بو توغریده فرصت برابر کیلگن صورتده، او فرصت‌دن قوللنیش کیره‌ک.
جناب عبدالله بوگون (جمعه 6- جدی) نماینده‌لر کینگشی اعضاسی و جهادی قومندان‌لردن بیری عبدالمطلب بیک شهادتی نینگ 8- ییل‌لیگی‌دن نشانلش اوچون یولگه قوییلگن ییغینده، افغانستان اهالیسی نینگ نماینده‌لری بیلن صحبت اوتکزیش تینچلیک یولی دیب ایتیشیچه، اوروش دوام تاپگن صورتده، کوپینچه فرصتلر قولدن کیته‌دی.
مذکور ییغینده نطق سوزله‌گن جمهورلیک ریاست ایکینچی اورین باسری محمدسرور دانش نینگ ایتیشیچه، تینچلیک اوچون بولگن ایسته‌ک ایجابی بیر حرکت دیر و بو ایجابی حرکتدن افغانستان دولتی و یشاوچیلری خرسندلیک بیلدیره‌دی.
جناب دانش گه کوره، افغانستان حکومتی اوتگن 18 ییل‌ده تینچلیک و خوفسیزلیک تأمین ایتیلیشی گه طرفدار بولیب و یخشی نیت کورستگن، بیراق قرشی تامان و اولرنینگ تشقی حمایتچی‌لری ایستمه‌گن.
شو توغریده:
- آمریکا و طالبان آره‌سیده‌گی تینچلیک سوزلشوولری تیزلیک‌که باشلنه‌دی
تینچلیک عالی کینگشی افغانستانلیکلر ارا سوزلشوولر باشله‌نیشیدن امیدوارلیک بیلدیردی
جمهورلیک ریاستی ایکینچی اورین‌باسری نینگ کوپه‌یتیریشیچه، «و شو یوزه‌دن بیزلر حکومت تامانیدن تینچلیک سوزلشوولر افغانستانلیکلر و افغانستان حکومتی رهبرلیگده باشله‌نیشی اوستیگه اورغوله‌یمیز و شونینگدیک ایکینچی‌ده سوزلشوولر بیلن عین دمده آتیش کیسین برقرار ایتیلسین کیم خرسندلیک بیلن آمریکا و باشقه قطار یقیین و اوزاق مملکتلر بو موضوع اوستیگه اورغوله‌‌گنلر.»
شونینگدیک جمهورلیک ریاستی نینگ سابق اورین باسری محمدیونس قانونی دولت، سیاستچیلر و طالبان آره‌سیده اویغونلیک ایجاد ایتیلیشی اوستیگه اورغولب ایتیشیچه، تینچلیک دولت بولمسدن عملی بولمه‌‌یدی. جناب قانونی گه کوره، دولت سیاستچیلر و سیاستچیلر دولت آرقلی نفی بولگن صورتده، حاضرگی بحران دوام تاپه‌دی.
