جوزجان ولایتی‌نینگ مرکزی شبرغان شهری‌نی فیض‌آباد تومنی مقصدیده ترک قیلدیم و ایکی ساعت دن سونگ مذکور تومن مرکزیگه ییتیشدیم. شهرسیماسی و ییقیلگن دیوارلر، بو شهرده ییللرچه آتیشمه یوز بیرگنی دن دلالت بیره‌دی. کورینیشیچه، اوتگن 1 یریم دهه‌ده اوشبو ولایتده هیچ ایش بولمه‌گن.
شهرنینگ بیرچیکه‌سیده، قطار کیشی لر قتناو یوللرده مکتب توزه‌تیش ایشلری بیلن شغللنه‌دی.
25 یاشر فدامحمد، اوشبو تومنده بیر مکتب بیناسی‌نینگ توزه‌لیشی خصوصیده فعالیت‌لر و عدالت خواهلیک توغریسیده صحبت قیله‌دی. او عدالت خواهلیک دوام تاپیش بیلن قینچلیک‌لری‌نینگ بیربولیمی، اینقسه معارف توغرسیده بولگن قینچلیک‌لر حل ایتیلیشی دن امیدوارلیک ایته‌دی.
فدامحمد بیلن صحبت قیلگن دن سونگ مکتب حدودی گه کیردیم، اوییرده قیزلردن بیرقطاری توپله‌نیب درس صنف‌لری توزه‌لیشینی کوتیب تورگن لر.
18 یاشر فرخنده‌نینگ ایتیشیچه، بوندن سونگ مکتب‌نینگ کهنه سقفی نی اوستیمیزده یقیلیشیدن قورق میمیز. بیراق حاضرده هم بیرقطار قینچلیک‌لر موجود بولگنی خصوصیده صحبت قیله‌دی و دولت مسووللردن اوشبو قینلچیک‌لرنی حل ایتیشی‌نی سوریدی. مناسب چوکی و میز بولمگنی اوشبو قینچلیک‌لردن بیری دیر.
مذکور مکتب اوقیتووچیلریدن بیری نسیمه سایس‌نینگ ایتیشیچه، اوشبو مکتب بیناسی‌نینگ توزه‌لیشی خصوصیده اوتکن ییل صورت تاپکن عدالت خواهلیک تاثیر قویگن. اونینگ ایتیشیچه اوشبو سعی و حرکت لر عایله لرنینگ باله‌لرینی مکتب یوباریش لری اوچون علاقه تاپگنی گه سبب بولدی.
ظرفیت‌لرنی یوقاری ایلتیش نهادی‌نینگ مسوولی شریفه سنگر، نسیمه‌نینگ سوزلرینی تصدیق‌لب بیراق مذکور عدالت خواهلیک نینگ دوامی تاپیشی لازم دیدی.
افغانستان اجتماعی قورلمه‌سی و دولتی اداره لر بیلن اونینگ علاقه سی گه قرگنده اهالی تامانیدن اجتماعی کم چلیک لر کورستیلمه‌گونگه قدر اولرنی تولدیریش اوچون دولت تامانیدن هیچ بیر ایش قیلینمه‌یدی. شو یوزه‌دن اجتماعی قیینچلیک لر حل ایتیلیشی خصوصیده اجتماعی دادخواهلیک لر اساسی و اونملی رول اوینه‌یدی.
