جمهورلیک ریاستی کاندیدی حنیف اتمرنینگ ایتیشیچه، ملی بیرلیک حکومتی آخری و سیلاولر یولگه قوییلیشی زمانی آره‌سیده، بیر سرپرست حکومت اورته گه کیلیشی کیره‌ک. جناب اتمر گه کوره، حاضرگی حکومت سیلاولرنی رهبرلیک قیلیش کوچی نی قولدن بیرگن.
تینچلیک و برابرلیک تیمی رهبری حکومت‌نینگ اوز باشیمچه‌لیک و محمداشرف غنی تیمی نفعی‌ده دولتی امکانیت‌لردن فایده‌لنیش گه عیبله‌یدی. بوگون «دوشنبه» جناب اتمرنینگ بیر خبری ییغین‌ده ایتیشیچه، جمهور رئیس سیلاولر کمیسیونی نینگ باشلیغی و کمیشنرلرینی بیر ریجه اساسیده چیکلنتیرگن و بو توغریده جمهورلیک ریاستی سیلاوی کاندیدلریدن هیچ بیریسی بیلن مصلحت قیلمه‌گن. اونینگ اورغولشیچه، حکومت‌نینگ اوشبو ایشی جدی و قانونی نتیجه‌سی بار.
جناب اتمر نماینده‌لر کینگشی سیلاویده یوزبیرگن ساخته‌کارلیک نی حکومت گه نسبت بیریب ایتیشیچه، اِیش‌دن چیکلنتیریلگن سیلاوی کمیسیون‌لر رسمی‌لری «حکومت‌نینگ سیلاولرده اَره‌لشی توغریسیده حجت و سندلری بار ایکن.»
او، بایومتریک ماشینه‌لری‌نینگ ایش بیرمسلیگی حقیده اشاره قیلیب ایتیشیچه، حکومت اوشبو ماشینه‌لرنی تیارله‌گن، بیراق اوشبو ماشینه‌لر قیینچلیگی مسئولیتی نی بوینیگه آلمه‌گن.
جمهورلیک ریاستی‌نینگ اوشبو کاندیدی گه کوره، حکومت قانون‌نینگ «سیاسی و تینگ‌سیز» شکلده آلغه آلیب باره‌دی و اوشبو اِیش سیلاولر گه ضرر ییتیشتیره‌دی.
اتمرنینگ کوپه‌یتیریشیچه، حکومت اِیش‌لریدن نظارت قیلیش اوچون اوشبو تیم تامانیدن تیزلیکده بیر کمیسیون ایجاد ایتیله‌دی. حنیف اتمرنینگ ایتیشیچه، جمهور رئیس صلاحیت‌لریدن فایده‌لنیب و حکومت بدنه‌سیگه قرار تاپگن اوشبو تیم اعضالرینی اِیش‌دن چیکلنتیره‌دی.
اونگه کوره، حکومت 12 کیشی نی تینچلیک و برابرلیک تیمی‌ده بولیش‌لری گه عیبله‌ب اِیش‌دن چیکلنتیرگن. او محمد محقق‌نینگ مذکور کیشی‌لردن بیریسی دیب تنقید قیلیشیچه، محمد محقق باشقه بیر تیم گه اعضا بولیشی اوچون عیبله‌نیب مقامی‌دن چیکلنتیریلمه‌سی کیره‌ک ایدی.
تینچلیک و برابرلیک رهبری‌نینگ اورغولشیچه، حکومت اوشبو قیلگن اِیش‌لری اوچون اهالی آره‌سیده ایشانچ‌لرینی قولدن بیرگنلر و برچه‌نینگ ایشانچی گه کوره، حکومت سیلاولرنی رهبرلیک قیله آلمه‌یدی. او، ایریم موضوع‌لر اینیقسه سیلاولر و تینچلیک اوچون کتته بیر ییغین یولگه قوییلیشی نی سوره‌گن.
شو توغریده:
- مسکو «اتمر تیمی و طالبان گروهی» گه میزبان‌لیک قیلگن
افغانستان اهالیسی‌‌نینگ میراث‌لری مدافعه قیلینه‌دی؛ اتمر مسکو باره‌دی
حنیف اتمرنینگ ایتیشیچه، اصلاحات کیلتیریش اوچون اوشبو تیم حکومت گه بیر اصلاحاتی بسته تاپشیرگن. اونگه کوره، جمهورلیک ریاستی نامزدلریدن کوپینچه‌سی، سیلاولرده دولتی امکانیت‌لردن سو استعمال بولمه‌سی توغریسیده جمهورلیک ریاستی تامانیدن بیر بویروغ ترقه‌تیلیب و عملی ایتیلیشی اوچون کیلیشگنلر.
جناب اتمرگه کوره، جمهورلیک ریاستی‌نینگ باشقه نامزدلری نی همکارلیگی بیلن ملی بیرلیک حکومت دوری یکونله‌نیشی اوچون قانونی تیارگرلیک قولگه آلگنلر.
بیراق جمهور رئیس سوزلاوچیسی‌نینگ اورین باسری شاه‌حسین مرتضوی‌نینگ ایتیشیچه، جمهور رئیس تامانیدن قیلینگن ایش‌لرنی برچه‌سی قانونی دیر. او، قطار رسمی‌لر و ایشلاوچی‌لر چیکلنتیریلیشی خصوصیده ایتیشیچه، «حرمتلی شخصیت‌لر عیبلاو اورنیده، ثبوت ارایه قیلیش‌لری یخشی دیر.»
جمهور رئیس سونگی مورد گه اجرائیه ریاستی‌نینگ ایکینچی اوری باسری محمد محقق نی اِیش‌دن چیکلنتیردی. اوشبو بویروغ صادر ایتیلیشی جدی عکس‌العمل لرگه روپه رو بولدی و اجراییه ریاستی جناب محقق‌نینگ چیکلنتیریلیشی نی حکومت صلاحیت‌لریدن تشقی دیب اعلام قیلیشیچه، محمد محقق ملی بیرلیک حکومتی‌نینگ آخری‌گچه اوز اِیشی گه قالیشی ممکن.
