.jpg)
واشینگتن تایمز کونده‌لیگی طالبان گروهی سوزلاوچیسی‌دن نقل قیلیب ایتیشیچه، زلمی خلیلزاد و طالبان گروهی آره‌سیده اوتکزیلگن مذاکره‌ده ایچکی مسئله‌لر و آتیش کیسین موضوعلری مطرح ایتیلمه‌گن.
طالبان گروهی سوزلاوچیسی‌نینگ بیانات‌لریگه کوره، افغانستان بوییچه امریکا قوشمه ایالت‌لرینی خاص نماینده‌سی زلمی خلیلزاد و طالبان گروهی آره‌سیده اوتکزیلگن مذاکره‌ده بحث ایتیلگن اصلی موضوعلر افغانستاندن آمریکا کوچلری بوتونله‌ی چقیشی، طالبان گروهی‌نینگ محبوس‌لری قوییب یوباریشی و بو گروه گه قرشی امنیتی کوچلرنینگ عملیات‌لری توخته‌تیلیشی دیر.
واشینگتن تایمز کونده‌لیگی‌دن نقل قیلینیشیچه، اوشبو مذاکره‌ده حقانی گروهی‌نینگ 3 اعضاسی حفیظ یحیی، سعدالله حماس و دکتر فقیر اشتراک قیلگن.
اوشبو کونده‌لیک‌که طالبان گروهی سوزلاوچیسی‌نینگ ایتیشیچه، بو سوزلشوولرده افغانستان ایچکی مسئله‌لریگه تیگیشلی هیچ بیر موضوع بحث گه آلینمه‌گن و «بو گروه افغانستان ایچکی ایشلری توغریسیده کیم‌سه بیلن مصلحت قیلیش‌نی نیاز بیلمه‌یدی.»
شونینگدیک، زلمی خلیلزاد اوز توییتر صحیفه‌سیده ابوظبی ییغینی‌نی ایجابی توصیف‌لگن.
عین حالده، ابوظبی ییغینیده طالبان گروهی‌نینگ نماینده‌لری افغانستان دولتی بیلن ایرکین اوچره‌شوونی قبول قیلمه‌گن، بیراق کابل‌ده آمریکا ایلچی‌خانه‌سینی سوزلاوچی‌لریدن بیری‌نینگ سلام‌وطندارگه ایتیشیچه، ابوظبی ییغینیده زلمی خلیلزادنینگ اشتراکی افغانستان اوروشی یکونلنتیریلیب و تینچلیک سوزلشوولریگه زمینه یره‌تیلیشی اوچون امریکا قوشمه ایالت‌لری و خلق ارا بیرلشیک‌لری‌نینگ سعی و حرکت‌لرینی بیر بولیمی دیر. اونگه کوره، امریکا هردایم افغانستان اوروشی افغانستان‌لیک‌لر سیاسی بیر کیلیشووگه ییتیشگونگه‌قدر یکونلنمه‌سی اوستیگه تأکید قیلگن.
.jpg)
امریکا ایلچی‌خانه‌سینی سوزلاوچیسی، افغانستان تینچلیک سوزلشوولری اوچون پاکستان تامانیدن زمینه یره‌تیلیشی توغریسیده ایتیشیچه، جنوبی آسیا مملکت‌لری آره‌سیده‌گی علاقه‌لر یخشی‌لنیشی و افغانستان تینچلیک سوزلشوولری آلغه آلیب باریلیشی توغریسیده پاکستان تامانیدن بولگن هرقنده‌ی حرکت امریکا قوشمه ایالت‌لری تامانیدن خوش قرشی‌لنه‌دی.
افغانستان بوییچه امریکا قوشمه ایالت‌لرینی خاص نماینده‌سی زلمی خلیلزاد، جاری ییل‌نینگ سپتمبر آیی‌دن بویان، افغانستان دولتی و طالبان گروهی آره‌سیده ایرکین سوزلشوولرگه زمینه یره‌تیلیشی اوچون نیچه مرته ایکی تامان بیلن اوچره‌شگن.
طالبان گروهی‌نینگ نماینده‌لری و زلمی خلیلزادنینگ آره‌لریده اوتگن اوچ کونده برلشیک عرب امیرلیگی‌نی باشکینتی ابوظبی‌ده یوزمه یوز سوزلشوولرنی دوامی بار ایدی. شونینگدیک، اوشبو مذاکره ده قطرده‌گی طالبان گروهی‌نینگ سیاسی دفتری‌نی نماینده‌لری، مذکور گروه‌نینگ حربی بولیم‌لرینی نماینده‌لری، امریکا نماینده‌لری و پاکستان، سعودی عربستان و بیرلشیک عرب امیرلیگی‌نی نماینده‌لری اشتراک قیلگن‌لر.
