بیرلشگن عرب امیرلیگی قطر بیلن مناسبتی ساووقلشگنی و تینچلیک سوزلشوولرده حضوری کمه‌یگنی باعث، امریکاگه طالبان گروهی‌نینگ رهبرلری ترور ایتیلیشینی تکلیف قیلگن.
میدل ایست‌آی خبری آژانسی‌نینگ بیر گزارش آرقه‌لی ایتیشیچه، ابوظبی شهزاده‌سی محمد بن زاید جاری ییل جنوری آی‌ده، آمریکا تشقی ایشلر وزیری مایک پمپیو بیلن اوچره‌شوویده طالبان گروهی‌نینگ رهبرلری ترور ایتیلیشینی تکلیف قیلگن.
اوشبو خبری آژانس‌گه منبع‌نینگ کوپه‌یتیریشیچه، ابوظبی شهزاده‌سی آمریکا تشقی ایشلر وزیری‌نی مخاطب قرار بیریب، افغانستاندن آمریکا کوچلری چیقگن صورتده، اوشبو مملکت قیته‌دن «آرتده قالگن سقاللیک» کیشی‌لر قالیگه توشه‌دی دیگن.
بیرلشگن عرب امیرلیگی، طالبان گروهی‌نی رسمیت‌گه تانیگن بیرینچی مملکت ایدی.
مملکت سیاسی ایش بیلرمانلریدن بیر قطاری‌نینگ ایتیشیچه، بیرلشگن عرب امیرلیگی‌نی تینچلیک سوزلشوولریدن اوزاقده قالگنی و قطر بیلن رابطه‌سی‌نینگ یمان بولگنی باعث، شونینگدیک، تکلیف‌لرنی مطرح قیلگن و اوشبو مملکت افغانستان تینچلیک سوزلشوویده حضور تاپیشینی ایسته‌یدی.
طالبان گروهی‌نی سابق اعضاسی سیداکبرآغا نینگ سلام‌وطندارگه ایتیشیچه، شونینگدیک تکلیف تینچلیک سوزلشووی اوستیگه سلبی تاثیر قویمه‌یدی.
طالبان گروهی‌نی اوشبو سابق اعضاسی گه کوره، قطر و بیرلشگن عرب امیرلیگی مناسبتی ساووقلشگنی و امارات نینگ افغانستان حکومتی بیلن یخشی علاقه‌سی بولگنی باعث، ابوظبی شهزاده‌سی بو تکلیف‌نی مطرح قیلگن.
سیاسی ایش بیلرمانلردن بیری ناصر رحمانی گه کوره، قطر و ایران مناسبتی‌نی یخشی بولگنی و افغانستان تینچلیک سوزلشوولریده دوحه اساسی نینگ اورنی بولگنی باعث، امارات بو تکلیف‌نی قیلگن.
اوشبو سیاسی ایش بیلرمان نینگ کوپه‌یتیریشیچه، امارات شونینگدیک تکلیف‌لر آرقه‌لی طالبان رهبرلرینی فشار آستیگه قرار بیریش و قطر بیلن ایران آره‌سیده فاصله ایجاد قیلیش اوچون سعی و حرکت قیله‌دی.
جناب رحمانی نینگ کوپه‌یتیریشیچه، شونینگدیک تکلیف‌لر افغانستان تینچلیک لایحه‌سی اوستیگه تاثیر قویمه‌یدی.
افغانستان تینچلیک خصوصیده آمریکا، چین، روسیه و اورپا بیرلشمه‌سی نماینده‌لری آره‌سیده‌گی ایکی کون‌لیک ییغین یکونلنگن‌دن سونگ، اوشبو گزارش ترقه‌تیلگن.
اوشبو ییغینده افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد، افغانستان بوییچه روسیه خاص نماینده‌سی ضمیر کابلوف، چین مملکت‌نینگ خاص نماینده‌سی شی‌جون و اورپا بیرلشمه‌سی‌نینگ خاص نماینده‌سی کوبیا اشتراک قیلیب افغانستان تینچلیک لایحه‌سی خصوصیده صحبت قیلگنلر.
