نماینده باشلیغی عبدالروف ابراهیمی کینگش اعضالری استیضاح بولگن وزیرلردن یاشیرینچ معامله قیلیشلریدن خواطر بیلدیره‌دی.
اونینگ بوگونکی کینگش عمومی ییغینی‌ده سوزگه چیقیب ایتیشیچه، کابینه وزیرلری نینگ استجواب قیلینیشی حکومت‌دارلیک اوچون نتیجه بیرمه‌گن و مجلس قانونگه یره‌شه ایش بیلمس وزیرلر برابریده صلاحیت‌لریدن استفاده قیلیب استیضاح قیلیشلرینی لازم بیلگن.
کینگش اعضالریدن بیرقطاری، هم‌کسبلریدن کوپیسی حکومت بلند مرتبه‌لی رسمی‌لری نینگ استیضاح قیلیش اوچون امضا ییغیب اولردن باج آله‌دی دیگنلر.
کینگش اعضالریدن بیری عبدالستار خواصی نینگ ایتیشیچه، کابینه‌ده وزیرلرنی تانیدی که 6 آی اوتیشی بیلن حتی بیر لایحه‌نی هم علمده ایشلنیشی اوچون اعلانگه بیرمه گن، اما کینگش اعضالری تامانیدن استیضاح بولمیدی.
اونینگ معلوم قیلیشیچه، اونلب مرته نماینده‌لر وزیرلرنی استیضاح قیلیش اوچون امضا ییغیب آلگنلر، اما نماینده‌لرنی وزیرلر بیلن قیلگن معامله‌لریدن سونگ استیضاح دیگن سوزنی باشقه ایشیتمه‌گنلر.
نماینده‌لر اعضالریدن باشقه بیری رمضان بشردوست نینگ ایتیشیچه، نماینده‌لردن قیسی‌لری قیسی وزیرنی استیضاح قیلیش اوچون امضا ییغگن و کیینچه‌لیک قنقه بیر معامله بو امضالر بیلن قیلینگن، انیقلنیشی لازم.
ییغین اداغیده نماینده‌لر باشلیغی، کینگش نینگ تقنین کمیسیونیگه نماینده‌لر بیلن استیضاح بوله‌دیگن وزیرلر اورته‌سیده معامله بولیشلر آلدینی آلیش اوچون کینگش ایچکی ایشلر اصولیگه قره‌تیب تعدیلات کیلتیریش بویریغینی بیردی.
