افغانستان‌گه سفر قیلگن پاکستان هیاتی نینگ باشلیغی مملکتی نینگ جاسوسلیک اداره‌سی (آی‌اس‌آی)نینگ باشلیغی جنرال نوید مختار تیز آره ده بو مملکت‌گه سفر قیلیشی‌نی ایتگن.
اوشبو سفرنی ایجابی بهاله‌گن پاکستان ملی مجلسی‌نینگ کاتبی ایاز صادق، افغانستان – پاکستان بلند مرتبه‌لی رسمیلر‌‌ی‌نینگ باردی کیلدیرلری رسمی کابل – اسلام آباد علاقه‌سینی یخشیلشتیر‌ه‌دی دیگن. جناب صادق، ایکی مملکت نینگ سیاسی و حربی مناسبتی یخشی له‌نیشی اوچون یقین آره ده پاکستان استخابارات اداره‌سی نینگ باشلیغی کابل سفر قیله‌دی دیگن.
حربی تحلیلچی دگروال نذیرخان نینگ جنرال نوید متخارنینگ کابل‌گه قیله‌جک سفر باره‌سیده ایتیشیچه، حاضرگی اوروش استخاباراتی اوروش دیر شونینگ اوچون ایکی مملکت نینگ حربی بلند مرتبه‌لی رسمیلری باردی کیلدیسی کابل – اسلام آبادنینگ مناسبتلرینی یخشی لشتیره‌دی.
افغانستانلیک حربی متخصص جاوید کوهستانی، ایکّی مملکت بلند مرتبه‌لی رسمیلری بیر- بیراولری ایچیده ایشانچ فضاسینی توغدیریشدن کوره« ترورچیلیککه قرشی کوره‌ش اوچون» پاکستان تامانی عمل‌ده بیر ایش قیلیشی مقصدگه موافق دیگن.
بو قبیل سوزلری جمعه کون پاکستان ملی مجلسی نینگ قطار اعضالری کابل‌گه سفر قیلیب حکومت رهبرلری همده مملکت ملی مجلسی نینگ اعضالری بیلن اوچره‌شیب تورلی مساله‌لر اوستیده بحث قیلگن بیر پیت‌ده ایتیلماقده.
