خبرلرچیلردن بیرقطاری حکومت و خبرچیلردن دفاع قیله‌دیگن نهادلر توجه سیزلیگینی قاره‌لب ایتیشلریچه، ایش ماشینی کبی رسانه‌لر ایگه‌لری اولر بیلن ایش قانونیگه قرشی بیتیم‌گه قول قویه‌دیلر، بیراق حاضرگه قدر خبرچیلر حقوقیدن دفاع قیله‌دیگن نهادلر بوقیینچی‌لیک حل ایتیلیشی‌گه توجه قیلمه‌گن.
خبرچیلرگه کوره، بولردن ایریمی جانینی قولدن بیریب، یره‌لنیب، کلتکله‌نیب و تهدید بوله‌دیلر، شونده‌ی بولسه هم اهالیگه خبر ایتکزیش اوچون کوره‌شیب کیلماقده‌لر.
خبرچیلردن بیری نوید بارکزی نینگ خبرچیلرگه ایش مصونیتی بولمه‌گن‌لیگیدن خواطر بیلدیریب ایتیشیچه، رسانه‌لر ایگه‌سیی خبرچیلر بیلن ایش بیتیمی‌گه قول قویشلری ایش قانونیگه قرشی، بیراق حاضرگه قدر هیچ بیرنهاد خبرچیلر حقوقیدن دفاع قیلیش و امتیازلری آزلیگی باره‌سیده سیسینی چیقارمه‌گن.
افغانستان ژورنالیستلری ملی اتحادیه‌سی، افغانستان ایرکین رسانه‌لری کوزه توچیسی (نی) و خبرچیلر مصون سقلش کمیته‌سی هم رسانه‌لر ایگه‌لری قانوننی قبول قیلمه‌گن و خبرچیلرگه ظلم قیلگن دیدیلر.
اخبارات و مدنیت وزیرلیگی نینگ معینی سیده مژگان مصطفوی نینگ ایتیشیچه، خصوصی رسانه‌لر قوریلیشی بیلن خبرچیلر امنیتی و ایش مصونیتلری ایجاد ایتیلگن، بیراق خبرچیلر و خبرچیلر حقوقیدن دفاع قیله‌دیگن نهادلر مذکور وزیرلیک بیلن جدی شکلده یاردم بیرمه‌یدیلر. او خبرچیلردن دفاع قیله‌دیگن نهادلر و رسانه چیلردن اوشبو قیینچی‌لیگنی برطرف قیلیش اوچون یاردم قیلیشلرینی طلب قیله‌دی.
