آیسا یا افغانستان‌ده سرمایه یاتقیزیش‌نی حمایت قیله‌دیگن اداره‌نینگ سرپرستی محمد ابراهیم شمس، چمه‌سی 50 نفر قوراللی کیشی مذکور اداره‌گه کیلیب، اوچ کیشینی ایریم ملازملرگه تنیشتیریش‌گه سعی وحرکت‌قیلگن لیک‌لرینی ایگن.
جناب شمس نینگ تیلفون آرقه‌لی سلام‌وطندارگه ایتیشیچه، مذکور شخصلر افغانستان تجارت وصناعت وزیرلیگی تامانیدن یوباریلگن‌لر. ایتیلیشیچه، قوراللی شخصلر اجمل وزیرینی مذکور ریاست نینگ اورین باسرلیک، خادم حسین‌فطرت‌نی سرمایه یاتقیزیش واحمد ویس ترکی‌نی صنعتی پارکلر اورین باسرلیگی لوازمی‌گه تعین قیلیش‌گه حرکت قیلگن‌لر.
شونینگ‌دیک جناب شمس، مذکور کیشی لر زره‌لی همده پولیس نینگ رنجر موترلری بیلن اوشبو اداره‌گه کیلگن‌لر.
جناب شمس، مذکور شخصلر آیسا اداره‌سی‌گه کیریب آلگن دن کیین، واقعه‌نی جمهور رییس لیک سرایی بیلن اورته گه قویگن، جمهور رییس لیک سرایی‌دن قوراللی شخص‌لری کیلیب اوشبو کیشی‌لرنی چیقارگن لیگی‌نی ایتگن.
ایتیلیشیچه، مذکور کیشی اجراییه ریاستی نینگ ایکّینچی اورین باسری محمد محقق نینگ آدم‌لر بولگن.
اوز نامی فاش ایتیلیشی‌نی ایستمه‌گن حاجی محمد محقق‌گه یقین بیر منبع نینگ سوزلریگه کوره، واقعه حاجی محمد محقق‌گه هیچ قنده‌ی علاقه‌سی بولمه‌گن.
آیسا یا افغانستان‌ده سرمایه یاتقیریش قانونی‌گه موافق، مذکور اداره‌گه کیشینی ایشگه آلیش ییتی نفردن عبارت هیت تصدیغی‌دن اوتیشی شرط.
مذکور هیات نینگ اعضالری حکومت کابینه‌سی نینگ ییتی وزیریدن عبارت دیر.
بو اداره‌نینگ سرپرستی قوراللی شخصلر مذکور هیات‌لرنی جریانگه قویمس‌دن قول‌لرده گی قورال اسلحه بیلن یوقاریده ایسله‌تیلگن کیشی‌لر زوردن ایریم لوازملرگه تعین قیلگن.
آیسا اداره‌سی نینگ رسمیلری، هیچ بیر وقت‌ده زوگه تن بیرمسدن اساسی قانون‌گه موافق ایش کوریشلرینی ایتگن‌لر.
