هلمند ولایتی‌دن کیلگن گزارش‌لرده آیساف‌نینگ هوادن اویوشتیرگن هجومی نتیچه‌سیده مخدر ماده‌لرگه قرشی کوره‌شیش پولیس‌نینگ اونلب عسکری هلاک ایتیلگن.
محل یشاووچیلری‌گه کوره، هجوم اوتگن آقشام (یکشنبه) کیچ‌ده مذکور ولایت‌نینگ ریگ منطقه‌سیده عمل‌گه آشیریلگن.
اهالی، هجوم‌ده کمیده 50 کیشی مخدر ماده‌لرگه قرشی کوره‌شیش همده جنگری طالب‌لردن اولدیریلگن‌لیگی‌نی ایتگن‌لر.
شونینگ‌دیک منطقه یشاووچی‌لری، مخدر ماده‌لرگه قرشی کوره‌شیش پولیس‌لری لندکروزر موترلرده قورال‌لی طالب‌لر لباسیده بولیب، مذکور گروه بیلن اوروش قیلیش نیتده بولگن بیر پیتده، جنگری‌لر هم پولیس موترلریگه مینیب اوروش‌گه تیار تورگن چاغده خلق ارا کوچلرنینگ هوا هجومی آستی‌گه آلینیب اولدیریلگن‌لیکلرینی تیل‌گه آلگن‌لر.
هلمند امنیه قوماندانی نبی‌جان ملاخیل نینگ تیلفون آرقه‌لی سلام وطندارگه حادثه‌نی تصدیق‌لب ایتیشیچه، هنوزگچه واقعه باره‌سیده تولیق معلومات قول‌گه کیریتمه‌گنلر.
ملاخیل‌گه کوره، محلده تیکشیروو باشلنگن و پولیس اداره‌سی تیزلیکده عاموی اخبارات واسطه‌لریگه معلومات بیره‌دی.
باشقه تاماندن مذکور حادثه‌نی تصدیق له‌گن قورال‌لی طالب‌لرگه کوره، هجوم‌ده فقط ملی کوچلر عسکرلریگه تلفات ییتگن.
آیساف مطبوعات اداره‌سی هنوزگچه بو توغریده معلومات بیرمه‌گن.
