میترا: دولتی اداره‌لردن بیری‌ده ایش‌گه کیریش‌نی ایسته‌دیم. دستلب کیریش سیناوی و رویخط‌گه آلیش جریانیده، اداره باشلیغی مین‌دن بیرگه‌سیگه دوست بولیشیم‌نی ایسته‌دی. دیمک مین بیلن دوست و صمیمی علاقه قورسنگ، سیناوده یوتوققه ایریشیب و تیزلیک‌ده بست‌نی قولگه کیریته‌سن دیدی. مین هم جوابی‌نی بیرمس‌دن ایسته‌گیم‌نی ییرتیب و دفتردن چیقدیم.
ملالی: دولت قویی بست‌لریدن بیری‌ده ایش قیلردیم. دفتریمیزده بیر بست اعلان‌گه قوییلدی و مین هم بستیم یوقاری کیتیشی اوچون کاندید بولدیم. بولیم باشلیغی مینی کورگنی‌دن قولیم‌دن اوشلب، یانیده تارتیب، مین بیلن بولیب و ایستک‌لریم‌نی قبول قیلسنگ، قولی‌لیک‌ده یوقاری بست‌نی قولگه کیریتیب و آیلی‌گینگ هم کوپیه‌دی دیدی. مین قولیم‌نی تارتیب، بار یوقال دیدیم. اوشه کون ایرته‌سی استعفا بیردیم و حاضرگچه ایش سیزمن.
نازگل: بیلیم یورت‌دن فارغ بولگنیم‌دن کیین، نا دولت اداره‌لرنینگ بیریدن ایش سوره‌دیم. قبول بولیشیم‌گه اونچه‌لیک ایشانمس دیم؛ چونکه مین بیلن باشقه 7 ایرکک اوشبو بست‌گه کاندید ایدی و بونگه ایشانچیم کامل ایدی کیم، اوشبو ایرکک‌لردن بیری دفتر مسؤولی بیلن علاقه‌دارلیگی سبب، قولی‌لیک‌ده بست‌نی قولگه کیریتردی. بیراق هفته جریانیده بیزدن سیناو آله‌دیگن بولیم مسؤولی مین‌گه زنگ اوردی. قیتیب قونغیراق قیلگنی‌ده قونغیراغی‌گه جواب بیردیم، مین‌گه ایتیشیچه، ایرته دفتر کیلگین ایسته‌گن بستینگ توغری‌سیده صحبت قیله‌میز. اوشه کون ایرته‌سی دفتری‌گه باردیم و او کولیب یانیم‌ده کیلدی و اوندن کیین، اتاق‌نینگ ایشیگینی یاپدی. مین باشقه‌لردیک لفاظ‌لیک و یوز ادا بیلن بیر نرسه‌نی ایتمه‌یمن. سین‌گه توغری و ایرکین ایته‌من دیدی. بو بست‌گه کامیاب بوله‌سن، شرط شوکه بیر مرته مین بیلن علاقه قورگین، عین حالده یوزیگه سیلی بیلن اوریب دفتردن چیقدیم.
نوریه: ینگی‌لیک‌ده نا دولت اداره‌لردن بیری‌ده ایش تاپگن ایدیم. جدی شکلده پول‌گه نیازیم بولگنی سبب، یخشی بیر شکلده ایش قیلیش‌گه سعی و حرکت قیلردیم و دفتر ایشچی‌لری‌نینگ برچه‌سی مین‌دن راضی ایدی. مینی جدی شکلده پول‌گه نیازیم بولگنینی همکسب‌لریم سیزگن‌دن کیین، حرکت‌لری اوزگردی. بو جمله‌دن بیری‌نینگ دفتر باشلیغی بیلن علاقه‌سی یخشی ایدی و اونینگ قرارلری اوستیگه تأثیری کوپراق ایدی و مین‌گه اوزینی یقین‌لشتیریش اوچون سعی و حرکت قیلردی. کونلردن بیر کون رسمی بیر سفر جریانیده همکسب‌لریم‌نینگ حضوریده، اوشبو کیشی راحت‌لیک‌ده آیاغی‌نی می‌نینگ آیاغیم‌نی اوستیگه قوییب، آیاق‌لرینگ جوده هم چیرایلی دیدی. همکسب‌لریم هم بیلدی. بیراق او، جوده خوش و راضی کورینردی. مین جوده هم زیریکیب ییغین یکونلنگنی‌دن کیین اونینگ آگاه‌لنتیردیم که ینه بیر مرته، اوشبو حرکتینگ تکرارلنگن تقدیرده، سین‌دن رسمی شکلده شکایت قیله‌من دیدیم. بیراق او تینچلیک‌ده جواب بیردی، سین کیین قالیب سن یا- ده اوزینگ‌نی قیمت ساته‌سن دیدی. بو مسئله مین اوچون اونملی ایمس و قولینگ‌دن هر ایش کیله‌دی شونی قیل دیدی. بو قضیه‌دن کیین، کوپ مدت گچه دفترده قیین‌چیلیگیم بار ایدی و نتیجه‌ده زمان اوتیشی بیلن دفتر باشلیغی مینی دفتردن چیقاردی.
