بوگون «سه‌شنبه» 8- مارچ، خلق ارا عیاللر بیرلیگی اوچون یولگه قوییلگن ییغینده، تینچلیک عالی کینگشی نینگ کاتب‌خانه باشلیغی و تینچلیک اجماع‌سینی منطقوی اِیشلری بوییچه جمهور رئیس خاص نماینده‌سی محمدعمر داوودزی نینگ ایتیشیچه، آمریکا و طالبان آره‌سیده‌گی سوزلشوولر آمریکا کوچلرنینگ افغانستاندن چیقیش زمان‌بندی‌سی و افغانستان توپراغی‌دن باشقه مملکت‌لر قرشی‌سیده قوللنمه‌سلیگی توغریسیده بولگن موضوعلر ناتوغری دیر.
داوودزی گه کوره، آمریکانینگ افغانستان بیلن امنیتی شرطنامه‌سی بار و او یوزه‌دن کوچلری‌نینگ چیقیشی توغریسیده طالبلر بیلن کیلیشه آلمه‌یدی.
تینچلیک عالی کینگشی نینگ کاتب‌خانه باشلیغی نینگ ایتیشیچه، آمریکا کوچلری امنیتی شرطنامه اساسیده افغانستانده موجود و آمریکا طالبلر بیلن ینگی شرطنامه باغلنمه‌یدی.
داوودزی نینگ کوپه‌یتیریشیچه، آمریکا طالبلرنینگ قیته‌دن ترورچیلر بیلن قتنشمه‌سی و شونینگدیک باشقه ترورچی گروهلرنی افغانستانده جای بیرمه‌سی توغریسیده قانیقتیریش اوچون حرکت قیلماقده.
جناب داوودزی عیاللرگه خطاب ایتیشیچه، اسلامی امارت، اسلامی جمهورلیک جایی نی آلیش دولت نینگ قیزیل چیزیغی دیر و اولر بو توغریده خواطرگه توشمه‌سین.
شو توغریده:
- تینچلیک سوزلشوولری؛ طالبان گروهی تشقی کوچلر 6 آیده چیقیشینی ایسته‌گن
تینچلیک؛ آمریکا طالبان رهبرلری‌نینگ آت‌لری قاره رویخط‌دن چیقاریلیشینی ایسته‌یدی
زمرمن: تشقی کوچلرنینگ افغانستانده قالیشی تینچلیک سوزلشوولریگه باغلیق
شونینگدیک تینچلیک عالی کینگشی اورین باسری حبیبه سرابی نینگ ایتیشیچه، عیاللر تینچلیک لایحه‌سیگه سهم و فعال حضورلری بولمه‌گونگه قدر عیاللر کونیدن نشانلش اولرگه معناسیز دیر.
خانم سرابی گه کوره، عیاللر تینچلیک سوزلشوولریگه معنالی سهم آلیش‌لری کیره‌ک.
اَیتیش کیره‌ک کیم، آمریکا و طالبلر آره‌سیده تینچلیک سوزلشوولری نینگ ینگی دوری 26- فبروری گه دوحه ده باشله‌نیب و حاضرگه قدر دوام تارتیب کیلماقده.
