.jpg)
افغانستان سیاسی ایش بیلرمانلریدن بیرقطاری، بگرام حربی قرارگاهی‌ده جمهور رئیسی غنی نینگ برابریده آمریکا جمهور رئیسی دونالد ترامپ نینگ حرکتی‌نی دیپلوماتیک عادتی گه قرشی دیب بیلیشه‌دی.
سلام‌وطندارگه صحبت بیرگن سیاسی ایش بیلرمان بسم‌الله رنجبرنینگ ایتیشیچه، بگرام حربی قرارگاهی‌ده جمهور رئیس غنی نینگ آمریکا عسکرلری نینگ قطاریده توریشی دیپلوماتیک عادتی گه قرشی دیر.
حقوقی ایش بیلرمانلردن بیری عبدالوحید فرزه‌یی، بگرام حربی قرارگاهی‌ده جمهور رئیس غنی نینگ آمریکا عسکرلری نینگ قطاریده توریشی مسخره‌لی دییدی.
اونگه کوره، جمهور رئیس غنی، آمریکا جمهور رئیسی بیلن اوچره‌شیش اورین نی معلوم قیلیشی کیره‌ک ایدی.
شونینگدیک، نماینده‌لر کینگشی اعضالریدن بیرقطاری نینگ ایتیشیچه، جمهور رئیس غنی نینگ برابریده جمهور رئیس ترامپ نینگ حرکتی بیر ملت نینگ تویغوسی گه زیان ییتکیزگن.
نماینده‌لر کینگشی اعضاسی عبدالهادی جمشیدی نینگ ایتیشیچه، جمهور رئیس غنی آمریکالیک همتاسی گه جمهورلیک ریاست سرایی‌ده میزبان بولیشی کیره‌ک ایدی.
شونینگدیک، افغانستان سیاستچی‌لری و اجتماعی ترماق ایشلاوچی‌لریدن بیرقطاری، بگرام حربی قرارگاهی گه دونالد ترامپ نینگ سفری و جمهور رئیس غنی بیلن اوچره‌شیشی‌دن تنقید قیلیشگن.
بیراق، جمهورلیک ریاست سوزلاوچیسی اورین باسری لطیف محمود، دیپلوماتیک عادتی نقض ایتیلیشی‌نی کلی و کلیشه‌یی بیر بحث دیب ایتیشیچه، آمریکا جمهور رئیسی نینگ افغانستان گه قیلگن سفری و جمهور رئیس غنی بیلن اوچره‌شیشی‌دن اصلی مقصد، اوروش گه نقطه قوییلیشی و تینچلیک‌که ایریشیش بولگن.
آمریکا جمهور رئیسی دونالد ترامپ، پنجشنبه‌دن جمعه گه اوتر کیچه کوتیلمه بیر سفرده بیرینچی مرته افغانستان کیلدی و بگرام حربی قرارگاهی‌ده مملکتی نینگ حربی‌لری آره‌سیده طالبان گروهی تینچلیک کیلیشووی و آتیش‌کیسین خصوصیده، تیارگرلیک آلیشیدن خبر بیردی. عین دمده، جمهور رئیس غنی بیلن هم اوچره‌شدی.
شو توغریده…
ایش بیلرمانلر: ترامپ افغانستان گه سیلاو اوچون سفر قیلگن
