طالبان گروهی‌نینگ قطرده‌گی دفتری سوزلاچیسی سهیل شاهین نینگ سلام‌وطندارگه ایتیشیچه، تینچلیک سوزلشوولرنینگ 7- دوری‌نی یکونله‌نیشی یا-ده یا-ده دوام تاپیشی بوگون معلوم بوله‌دی.
اونینگ ایتیشیچه، تینچلیک سوزلشوولری ایجابی نتیجه‌لرگه ایریشگن و ایکی تامان‌نی کیلیشووگه قول تاپیشی ممکن.
آمریکا و طالبان نماینده‌لری آره‌سیده بولگن سوزلشوولرنینگ 7- دوریده چیت‌ایللیک کوچلرنینگ افغانستاندن چیقیشی، افغانستان توپراغی‌دن آمریکا و باشقه مملکت‌لرنینگ تهدید ایتیلمه‌یشی خصوصیده صحبت قیلینگن.
افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد نینگ توییتر صحیفه‌سیده یازیشیچه، آمریکا تشقی ایشلر وزیرلیگی، طالبان گروهی نینگ سونگی هجومی‌نی قاره‌لگن دیر.
آمریکا تشقی ایشلر وزیری مایک پومپیو نینگ ایتیشیچه، آمریکا و طالبان نماینده‌لری آره‌سیده قالگن موضوع‌لرنینگ تیزلیک‌که حل ایتیلیشی کیره‌ک.
آمریکا و طالبان نماینده‌لری آره‌سیده بولگن تینچلیک سوزلشوولرنینگ 7- دوری جاری هفته شنبه کونی قطرده باشلنگن ایدی.
