آمریکا و طالبان نماینده‌لری نینگ تینچلیک سوزلشوولری، پروان ولایتی نینگ بگرام تومنیده بگرام حربی قرارگاهی یقینیده جایلشگن فعالیت‌سیز بیر ساغلیک مرکزی گه طالبان گروهی نینگ هجومی‌دن بیر کون اوتیب پنجشنبه کون وقتینچه‌لیک توخته‌تیلگن.
بوگون «جمعه، 22- قوس» ایرته‌لب افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد تامانیدن قیلینگن توییتده ایتیشیچه، اوتگن کون «پنجشنبه، 21- قوس» بگرام حربی قرارگاهی یقینیده جایلشگن فعالیت‌سیز بیر ساغلیک مرکزی گه بولگن هجوم توغریسیده طالبان نماینده‌لر بیلن اوچره‌شگنده، راحت‌سیزلیک بیلدیرگن.
اونگه کوره، طالبان گروهی تینچلیک اوچون افغانستان اهالیسی نینگ ایسته‌گی گه جواب بیریشینی اثباتله‌شی کیره‌ک.
شونینگدیک، اوشبو توییتده جناب خلیلزادنینگ ایتیشیچه، طالبان نماینده‌لری رهبرلری بیلن اساسی مسئله‌لر توغریسیده مصلحت قیلیشی اوچون تینچلیک سوزلشوولری وقتینچه‌لیک توخته‌تیلگن.
عین حالده، قطرده طالبان گروهی نینگ سیاسی دفتری سوزلاوچیسی سهیل شاهین تامانیدن بولگن توییتده یازیلیشیچه، مذکور گروه نینگ هیأتی ملابرادر آخندنینگ ریاستی گه اوتگن کون کیچ قورون زلمی خلیلزاد بیلن اوچره‌شیب بحث قیلگن.
سهیل شاهین سوزلشوولر فضاسینی ایجابی دیب و کوپه‌یتیریشیچه، ایکی تامان سوزلشوولرگه نیچه کون آره بیریب و مصلحت دن سونگ، باشلش گه قرار قیلگن.
آمریکا و طالبان گروهی نینگ آره‌سیده بولگن افغانستان تینچلیک سوزلشوولری، 9 دور سوزلشوودن سونگ، جاری ییل، 16- سنبله ده آمریکا جمهور رئیسی دونالد ترامپ تامانیدن بیکار قیلیندی، بیراق اوچ آی توخته‌تیلگنیدن سونگ، اوتگن هفته شنبه کون، 16- قوس، قطرنینگ دوحه شهریده قیته‌دن باشلندی.
اوشبو سوزلشوولرنینگ اصلی موضوعی زوروانلیک‌لر کمه‌ییشی دییله‌دی و بو موضوع افغانستانلیک‌لر ارا سوزلشوولری باشله‌نیشی و آتیش‌کیسین گه سبب بوله‌دی.
بیراق، اوشبو سوزلشوولرنی بیشینچی کون باشلنگن بیرچاغده، اوتگن هفته چهارشنبه کون طالبان گروهی گه تیگیشلی 7 هجومچی پروان ولایتی نینگ بگرام تومنیده بگرام حربی قرارگاهی یقینیده جایلشگن فعالیت‌سیز بیر ساغلیک مرکزی گه هجوم قیلیشگن.
بو واقعه‌ده 2 کیشی هلاک و باشقه کوپینچه‌سی تینچ اهالی بولگن 70 دن آرتیق کیشی یره‌لنگن.
اوشبو هجوم کمیده 14 ساعت جوزیلیب و هجومچی‌لر پارتلاوچی ماده تولدیریلگن تورت موتردن فایده‌لنگن.
شو توغریده…
تینچلیک سیاستچی‌لرنینگ گرویدن چیقاریلیشی کیره‌ک
