آمریکا نماینده‌لر کینگشی نینگ باشلیغی نانسی پلوسی، اوتگن کونی بیرهیات باشلیغی‌ده کابل‌گه کیلیب محمداشرف غنی و عبدالله عبدالله بیلن اوچره‌شگن.
جمهورلیک ریاستی بیر خبرنامه آرقه‌لی، اوشبو اوچره‌شووده مملکت جمهور باشلیغی محمداشرف غنی، آمریکا نینگ افغانستاندن حمایتی دوام قیلیشی و ایکی مملکت رابطه‌سی نینگ یخشی‌لنیشی خصوصیده صحبت قیلگن.
جناب غنی تینچلیک لایحه سوزلشوولر خصوصیده اشاره قیلیب، اساسی قانون ارزش‌لری و عیال‌لر حق‌لری سقلنه‌دیگن و افغانستان‌لیکلر رهبرلیک‌گه بولگن تینچلیک و افغانستان حکومتی تامانیدن قبوللنه‌دی دیگن.
خبرنامه‌ده کوپه‌یتیریلیشیچه، جناب غنی یخشی حکومت‌دارلیک، تروریسم و اداری فسادگه قرشی کوره‌شیش و باشقه بیرقطار بولیم‌لر خصوصیده صحبت قیلگن.
جمهور رییس غنی، القاعده و داعش‌نی افغانستان و آمریکا اوچون کته تهدید عنوان قیلگن و طالبان گروهی تروریستی گروه‌لر فعالیتی‌گه زمینه یره‌تیش بیلن افغانستان نظامی و اهالی‌سیگه زیان ییتیشتیره‌دی دیگن.
آمریکا نماینده‌لر کینگشی باشلیغی نانسی پلوسی نینگ اوشبو اوچره‌شووده ایتیشیچه، « بیر زمان‌لرده طالبان گروهی اوشبو مملکت‌ده تروریسم‌گه مزبانلیک قیله‌ریدی و بیزیم اوستیمیزگه هجوم قیلگنلر افغانستان نینگ ینه‌بیر مرته تروریسم مرکزیگه اوزگریلیشی‌نی ایسته‌میمیز.»
اونینگ کوپه‌یتیریشیچه، یوتوقلر سقله‌نیشی و افغانستان عیال‌لرنینگ حقوق‌لری تامین ایتیلیشی آمریکا نماینده‌لر کینگشی نینگ اولویت‌لریدن دیر.
عین‌حالده، ملی بیرلیک حکومتی اجرایی ریاستی نینگ بیرخبرنامه آرقه‌لی ایتیشیچه، عبدالله عبدالله آمریکا کانگرسی نینگ نماینده‌لری بیلن اوچره‌شوویده تینچلیک نینگ افغانستان اهالیسی اوچون اولویت‌گه قرار تاپگنی‌نی بیلدیریب و بو سعی و حرکت‌لردن حمایت قیله‌دی دیگن. اونینگ کوپه‌یتیریشیچه، واقعی تینچلیک‌که قول تاپیش و اوروش توخته‌تیلیشی اوچون هرقندی قربان‌لیک حاضر دیر، بیراق، افغانستان یشاوچی‌لری 18 ییل‌لیک یوتوقلری نینگ سقله‌نیشی‌نی ایسته‌یدی دیگن.
آمریکا نماینده‌لر کینگشی باشلیغی نینگ اوشبو اوچره‌شووده ایتیشیچه، افغانستان نینگ ینه‌بیر مرته تروریسم مرکزیگه اوزگریلیشی‌نی ایستمه‌یدیلر و انه‌شو سبب، وضعیت‌نی ییقین دن نظارت قیلیب و ایکی مملکت نینگ تروریست‌لرگه قرشی فعالیت‌لریگه دوام بیریشی کیره‌ک.
خانم پالوسی، جمهورلیک ریاستی سیلاوی نینگ یخشی شکلده یولگه قوییلگنی‌نی خوش قرشی‌لب و بو لایحه تینیق‌لیگی اوستیگه تاکید قیلگن.
او، « تینچلیک لایحه‌سی نینگ افغانستان‌لیکلر رهبرلیگی‌گه بولیشی‌نی ایسته‌یمیز؛ تینچلیک تامین ایتیلیشی؛ افغانستان اقتصادی یخشی‌لنیشی و افغانستان یشاوچی‌لری نینگ تینچ بیر فضا ده حیات کیچیریشی بیزیم اساسی استک‌لریمیزدن دیگن.»
ایتیلیشیچه، آمریکا مدافعه وزیری مارک اسپر اوتگن کونی توشدن سونگ، کابل‌گه کیلیب جمهور رییس غنی بیلن صحبت قیلگن.
جناب اسپر کابل‌گه کیلگنیدن سونگ، کیسکین حمایه‌وی کوچلر قومندانی جنرال سکات میلر بیلن اوچره‌شگن.
جمهورلیک ریاستی نینگ ایتیشیچه، مملکت جمهور رییسی و آمریکا مدافعه وزیری تینچلیک لایحه‌سی، افغانستان و منطقه نینگ خوفسیزلیک وضعیتی، تروریسم‌گه قرشی کوره‌ش، افغانستان امنیتی و دفاعی کوچلرنینگ تجهیزلنتیریلیشی و تورلی بولیم‌لرده ایکی مملکت آره‌سیده بولگن همکارلیک‌لر خصوصیده صحبت قیلگن.
