.jpg)
آلمان جماعه‌سیده «مؤفقیت‌لی قوشیلیش» لقبی‌نی آلگن افغانستانلیک مهاجر رفیقه‌سینی اولدیرگن.
افغانستان مهاجری بولگن 30 یاشر ادریس، جاری هفته سه‌شنبه کون لایبزیک شهری گه یقین منطقه گه سیاحت اوچون باله‌سی بیلن کیلگن سابق رفیقه‌سی گه هجوم قیلگن و بو هجوم نتیجه‌سیده ادریس نینگ سابق رفیقه‌سی میرایم یره‌لنگن و نتیجه ده کسلخانه ده جان بیرگن.
جزایر‌الاصل آلمان‌لیک میرایم نیچه ییل ادریس بیلن علاقه ده ایکن، بیراق بو علاقه اوزون سورمه‌ی ایریلیش گه تارتیلگن.
آلمان پولیسی قتل دن بیر کون کیین ادریس نی قولگه آلگن. بو قضیه آلمان دولتی نینگ مهاجرلر توغریسیده بولگن سیاست‌لری قیته تیکشیریلیشی و بحث گه آلینیشی گه گپ آچگن.
آلمان‌لیک‌لردن کوپینچه‌سی اینیقسه آلمان نینگ مهاجرلیک سیاست‌لری گه قرشی بولگن‌لر بونده‌ی قضیه‌لرنی دهشتلی بیلیب و بو مملکت ده مهاجرلرنینگ دوسیه‌لری رد ایتیلیشی‌نی طلب قیلگن‌لر.
آلمان‌لیک فعاللردن بیری هارس ترونگ نینگ یازیشیچه: «اونملی بولگن موضوع کیشی‌لر قییرده بولیشی‌ده دیر؛ بو کیشی افغانستانده بولگنده، حاضر میرایم تیریک ایدی و باله‌سی آنه‌سیز بولمس ایدی.»
شونینگدیک، آلمان نینگ مهاجرلیک سیاست‌لرینی تنقیدچی‌لریدن بیری دون پیرو نینگ ایتیشیچه: «بو جنایت و شونگه اوخشه‌گن باشقه دهشتلی نمونه‌لر بیزلرنینگ کیره‌کسیز سیاست‌لریمیزنی کورسته‌دی.»
ادریس ییل‌لر آلدین عایله‌سی بیلن آلمان بارگن و قوشیلیش جریانی‌نی مؤفقیت بیلن اوتکزگن و نهایت ده آلمان نینگ کیم‌لیگی‌نی قولگه کیریتگن. اوندن نیچه مرته «مؤفقیت‌لی قوشیلیش الگوسی» صفتیده ایسلنگن. حاضر ایسه آلمان‌لیک‌لرنینگ آره‌سیده سوراق توغیلگن کیم، مؤفقیت‌لی قوشیلیش الگوسی بولگن مهاجر قنده‌ی قیلیب بونده‌ی بیر جنایت گه قول اورگن؟
.jpg)
آلمان‌لیک اجتماعی فعاللردن بیری کاترینانینگ ایتیشیچه، مهاجرلرنی تَن آلیش قبول قیلینمس دیر.
پولیس حاضرگه‌قدر ادریس نینگ توغریسیده معلومات نشر قیلمه‌گن. قتل سببی حاضرگه‌قدر بیللی بولمه‌گن، بیراق ادریس نینگ دوست‌لریدن بیری تامس نینگ ایتیشیچه، او آدابلی و توشونرلی بیر ییگیت ایدی.
آلمان ده مهاجرلرنینگ آره‌سیده ناموسی قتل‌لر رواجلنگن جنایت‌لردن بیری سنله‌دی.
شونینگدیک، تورت ییل آلدین افغانستان مهاجری بولگن حسین خاوری آتلی بیر ییگیت یاشینی کیچیک تانیشتیریب طبیات بولیم طلبه‌سی آلمان‌لیک 19 یاشر بیر قیزگه تجاوز قیلیب و اوندن کیین اونی اولدیرگن ایدی. پولیس ایسه قیزنینگ بدنی ده قالگن بیر تار ساچ دن قاتل نی تانیب قولگه آلگن. حسین خاوری نینگ محکمه‌سی کمیده 2 ییل چوزیلدی و نتیجه ده عمر بویی حبس گه محکوم بولدی.
اوشبو قضیه کبی افغانستاندن بولگن احمد آتلی بیر مهاجر میلادی 2018- ییل‌ده رفیقه‌سینی اویی‌ده پیچاقلب اولدیرگن ایدی. او هم پولیس تامانیدن قولگه آلیندی، بیراق حاضرگه‌قدر محاکمه بولمه‌گن. محکمه احمدنینگ حقیقی یاشی معلوم قیلینیشی‌نی ایتگن.
آلمان قانونی اساسیده، جنایت قیلگن‌لرگه جزا تعیین‌لش یاش گه اساس فرقلی بوله‌دی؛ شو یوزه‌دن احمدنینگ یاشی نیچه‌ده بولگنی معلوم قیلینه‌دی و جزاسی اونگه اساس تعیین ایتیله‌دی.
ناموسی قتل‌لر آلمان جماعه‌سی مهاجرلردن سلبی تصویر بیرگن. سونگی ییل‌لرده مهاجرلیک‌که قرشی توشونچه‌لر تشکیل ایتیلماقده و بونده‌ی جنایت‌لی قضیه‌لر مهاجرلرنینگ دوسیه‌لری اوستیگه جدی شکلده سلبی تأثیر قویه‌دی. رسمی رقم‌لر اساسیده، اوتگن ییل آلمان ده قتل شامل 230 تورلی جنایت رویخط گه آلینگن و عامل‌لری هم مهاجرلر دییلگن.
