آلمان تشقی ایشلر وزیرلیگی نینگ افغانستان‌ده ناتینچ‌لیکلر کوپه‌یشیگه قره‌تیب، قاچقینلرنی چیقاریش امکانیتی قالمه‌گن دیدی.
آلمان تشقی ایشلر رسمیلری افغانستان امنیتی وضعیتی یمانله‌نیشی، بو اولکه یشاوچیلری نینگ آلمانده قالیش ایسته‌ک‌نامه بیریشلریگه دلیل بولگن دیب بیله‌دی.
«آلمان آوازی» خبرگزارلیگی نینگ گزارشیگه کوره، آلمان تشقی ایشلر وزیرلیگی نینگ سیاسی معینی آندریاس میکایلیس، اولکه‌سی ده‌گی ایتلافی حزبلر سیاستچی‌لری بیلن اوتکزگن اوچره شووده، افغانستان حاضرگی سیاسی اوضاع‌سی یمانله‌نیشی افغان قاچقینلری نینگ چیقاریلیشی‌گه امکانیت بیرمیدی دیگن.
بو آلمانلیک بلند مرتبه‌لی دیپلمات، کابلده‌گی اولکه‌سی ایلچی خانه‌سیدن بارگن گزارشگه اشاره قیلیب، افغانستان امنیتی وضعیتی یمانلشیب بارماقده و طالب‌لرنینگ تشقی کوچلر کیریب کیلگن ییللریدن کوره فعالیت‌لری زوریگن‌لیگینی بیلدیرگن.
نیچه پیت آلدین آلمان حربی کوچلریدن 130 کیشی‌نی افغانستان یوباریشگه کیلیشگن ایدی، آلمان دموکرات سوسیال حزبی نینگ سیاسی دفاعی بولیم سوزلاوچیسی راینر آرنولد بو تصمیم‌نی قطعی بیله‌دی. ایتیلیشیچه، بو سانی 980 کیشیگه ییته‌دیگن آلمان کوچلری نینگ افغانستان امنیتی کوچلری اینیقسه اردوگه اورگه‌تیش و مصلحت بیریش بولگن.
بوندن آلدین آلمان رسمیلری نینگ ایتشیچه، افغانستان‌لیک قاچقین‌لردن کوپیسی‌نی اولکه‌لریگه قیتیب یوبارماقچی ایدیلر. آلمان رسمیلری نینگ بو تصمیمی کوپلب افغانستان یشاوچیلری نینگ قرشی لیگی بیلن روپه‌ره بولگن ایدی و بیرلشگن ملت‌لر عالی کمیساری نینگ هراتده‌گی دفتری ایشیگی‌ده ییغیلیب، آلمان دولتی تصمیمی‌گه قرشی اعتراض بیلدیرگن ایدیلر.
