هندوستان میزبان‌لیگیده بولیب اوته‌دیگن آسیا دوش سپورتی‌نینگ ۲۲ لمچی بیله‌شوویده افغانستان دوش ۶ کیشی‌لیک گروپ‌نی اشتراک ایتیلیشی کوتیله‌دی.
افغانستان بدن تربیه‌لش فدراسیونی‌نینگ معلوماتی‌گه کوره، بو ۴ ایرکک و ۲ عیال شامل ۶ کیشی‌لیک گروه مسؤولیتی دوش فدراسیونی‌نینگ باشلیغی عبدالکریم عزیزی ذمه‌سیگه بولیب، بوگون بیله‌شووگه اشتراک ایتیش اوچون هندوستان کیته‌دیلر.
اوشنده‌یکه حاضرگه قدر افغانستان دوش تیمی آسیا مملکتلری ارا دوش بیله‌شوولریده مدال کسب ایتالمه‌گنلر، اما بومرته افغانستاندن اشتراک قیله‌دیگنلر یوقاری روحیه بیلن مملکت‌لریگه مدال کیلتیریش مقصدیده جونه گنلر.
.jpg)
حاضرگه قدر چین مملکتی ۶۰۶ مدال آلیشی بیلن بیرینچی اوریننی ایگلله گن و جاپان ۵۴۰ مدال و هندوستان ایسه ۲۸۲ مدال آلیشی بیلن ایکینچی و اوچینچی اوریننی کسب ایتگنلر.
بو بیله‌شووده ۴۵ آسیایی مملکتلردن ایرکک و عیال اشتراکچی حضوریده ایریم سپورتی رشته لرده ۶ جولایدن باشله‌نیب ۴ کون دوام ایته‌دی.
اوشبو بیله‌شوو هر ایکی ییل اراسیده آسیایی مملکتلردن بیری‌نینگ میزبان‌لیگیده بولیب اوته‌دی. بومرته ایسه هندوستان مملکتی‌نینگ میزبان‌لیگی بیلن ۵ جولای بوبانی سور شهریده مراسم آچیله‌دی، اما بیله‌شوولر ۶ جولای باشلنه‌دی.
