فوتبال تیرمه جماعهسینینگ خبرنامهسیگه کیلیشیچه، شاهین آسمایی تیمی افغانستان ۱۴ یاشرلر قهرمانلیک جامینی آلیشگه قازانگن. بو تیم طوفان هریرود تیمی بیلن اویینگه چیقیب، پنالتی اوریشلری بیلن قهرمانلیک جامینی قولگه کیریتدی.
اویین جریانیده، قانونی و اضافه بیریلگن وقتده هیچ بیری قیله آلمهدی ایشیکلرینی آچسه. پنالتی نوبتیده شاهین آسمایی تیمی تورت شوتنی حریفگه قرشی ضربه اوردی. طوفان هریرود تیمی شاهین آسمایی تیمینی ایکی پنالتی اوریشی بیلن قهرمانلیکنی قولدن بیردی.
بوندن آلدین هم شاهین آسمایی تیمی سیمرغ البرز تیمی بیلن اوتکزگن بیلهشووگه ۳ گه ۱ میداننی اوز نفعیگه ایلتگن ایدی. طوفان هریرود تیمی هم میوند اتلان تیمی بیلن بیلهشوو آلیب ۳گه ۱ نتیجهسی بیلن بو تیمنی اوتگن ایدی.
بو بیلهشوولر اداغیده، اخلاق جامی سیمرغ البرز تیمیگه بیریلدی. مذکور بیلهشووده، ۸ تیم هر بیری – شاهین آسمایی، طوفان هریرود، اسپینغر بازان، اباسین زدران، موجهای آمو، میوند اتلان، سیمرغ البرز و عقابان هندوکش قتنشگن ایدیلر.
میلادی ۲۰۱۲- ییلدن بویان اولکه فوتبال فدراسیونی فوتبال وضعی یخشیلهنیشی اوچون بیلهشوولر اوتکزهدی؛ اما بو بیرینچی مرته دیر اولکه بویلب ۱۴ یاشرلر قهرمانلیک جامی اوچون بیلهشوو اوتکزیلهدی.
بو بیلهشووده فوتبال فدراسیونی رسمیلری، قتنشگن تیملرگه جایزه بیریشلری بیلن یکونلهدی.
