پرتگاللیک یولدوز کریستیانو رونالدو فرانس فوتبال ژورنالی آرقهلی میلادی 2016- ییل دنیا بولیب اینگ یخشی فوتبالچی تانیشتیریلدی. او، آلتین توپ غلبهسی اعلان قیلیندی. پرتگاللیک مذکور فوتبال یولدوزی، دنیا بویلب سپورتنینگ تورلی ساحهلریدهگی 173خبرچی آوازینی کسب قیلیب آلتین توپنی اوزیگه اختصاصلشتیردی. بو توغریده اویوشتیریلگن ییغین فرانسهنینگ پارس شهریده اوتکزیلدی.
رونالدو تورتینچی بار آلتین توپنی اوزیگه اختصاصلشتیریشگه موفق بولدی. لیونل مسی ایسه هنوزگچه بیش مرته آلتین توپ غلبهسی اعلان قیلینگن. رونالدو ینه بیر مرته آلتین توپ غلبهسی اعلان قیلینگن تقدیرده، مکافاتلری لیونل مسی بیلن تینگ بولهدی. پرتگاللیک کریستیانو رونالدودن علاوه، آرژانتاینلیک لیونل مسی، فرانسهلیک گریزمن و باشقه 20 فوتبالچی ایسه بو بیلشوو اوچون نامزد ایدی.
اروپا جام متلر قهرمانلیک لیگهسیدهگی بیلیشوولرده ریال مادرید غلبه قازانیشی آرتیدن رونالدونینگ یوتیش شانسی کوپیدی.
ییل نینگ اینگ یخشی فوتبالچیسی تانیلگن شخصگه بیریله دیگن مکافات «آلتین توپ» میلادی 1956- ییلدن بیری اینگ یخشی فوتبالچیگه بیریلهدی. آلتی ییلدن بیری فوتبال فدراسیونی هم مذکور برنامهگه حصه قوشردی، اما آلتین توپنی تقدیم قیلیش مسالهسی فرانسه فوتبال باشگاهسی و دنیا فوتبال فدراسیونی «فیفا» یولینی بیر – بیراویدن ایریب قویدی. حاضر ایسه مذکور ایکّی اداره آلتین توپنی مستقل شکلده اینگی یخشی فوتبالچیگه تقدیم ایتهدی.
شونینگدیک میلادی 2017- ییل جنوری آیی نینگ 9- سیده دنیا فوتبال فدراسیونی «فیفا» سوتیزرلندنینگ «زیوریخ» شهریده اوتکزیلگن دیگن ییغینده آلتین توپنی دنیانینگ اینگ یخشی فوتبالچیسیگه بیریشی ریجهلنتیریلگن.
