افغانستان مالیه وزیرلیگی‌نینگ ایتیشیچه، آسیا ترقیات بانکی ییل‌لیک 49- ییغینیده، تورت ییل اوچون افغانستان‌گه 878 میلیون دالر یاردم بیرگن.
مملکت مالیه وزیری اکلیل حکیمی، مذکور ییغینده اشتراک ایتیش نیتی‌ده اوتگن کون آلمان کیتدی. اوشبو ییغین بوگون باشلندی و جاری آی‌نی 5 گچه دوام ایته‌دی. آسیا ترقیات بانکی، افغانستان‌نی اقتصادی حمایتچی‌لریدن بیری بولیب و میلادی 2002- ییل‌دن بویان تورلی بولیم‌لرده مالی یاردم بیرگن.
مالیه وزیرلیگی تامانیدن میدیاگه یوباریلگن خبرنامه‌ده کیلیشیچه، یاردم بیریلگن مبلغ‌دن 858 میلیونی ترانسپورت، برق و طبیعی قَینَاق‌لر بولیم‌لری اوچون اجره‌تیلگن و باشقه 20 میلیون دالری طبیعی حادثه‌لردن زیان کورگن‌لرگه بیریله‌دی.
خبرنامه‌ده کیلیشیچه، اوشبو ییغینده جناب حکیمی، افغانستان برقرارلیگی و تینچ‌لیگی اوچون اوشبو یاردم‌لرنی اونملی دیگن.
بو اوچره‌شووده، آسیا ترقیات بانکی‌نینگ باشلیغی توماس پانیلا، افغانستان‌گه بیریله‌دیگن یاردم‌لر دوامی اوستیگه تأکیدلب ایتیشیچه، اوشبو بانک یاردم‌لر دوامی توغری‌سیده افغانستان‌گه بیرگن سوزلرینی عمل‌گه آشیره‌دی.
دیمک بو ییغینده، اعضا مملکت‌لرنینگ وزیرلری، خلق ارا و ملی بانک‌لر باشلیغ‌لری، سوداگرلر، خبرچی‌لر و مدنی جماعه‌چیلیک قطار اعضالریدن عبارت کمیده 3000 کیشی اشتراک ایتگن.
آسیا ترقیات بانکی‌نینگ بو ییل‌گی شعاری «برقرارلیک اوچون یاردم» بولیب و اوشبو ییغین سوزلشوولری و اوچره‌شوولری‌نی اصلی موضوع‌سی اقتصاد و برقرارلیک‌دن حمایه قیلیش خصوصیده، اروپا و آسیا مملکت‌لری‌نینگ علاقه‌لری مستحکم‌لنیشی دییلگن.
